മലപ്പുറം: ജീവിച്ചിരിക്കുന്ന ഗായിക എസ്.ജാനകിക്ക് അനുശോചനം രേഖപ്പെടുത്തി ഇടതുപക്ഷ വിദ്യാർഥി സംഘടനയായ എസ്എഫ്ഐ. എസ്എഫ്ഐ നിലന്പൂർ ഏരിയാ സമ്മേളനത്തിലെ അനുശോചന റിപ്പോർട്ടിലാണു മരിച്ചവരുടെ പട്ടികയിൽ എസ്.ജാനകിയുടെ പേരും ഉൾപ്പെട്ടത്.
കഴിഞ്ഞ വർഷം അന്തരിച്ച കലാ സാംസ്കാരിക നായകർ, പൊതുപ്രവർത്തകർ, പ്രശസ്തരും അല്ലാത്തവരുമായ പാർട്ടി പ്രവർത്തകർ എന്നിവർക്കെല്ലാം ആദരാഞ്ജലി അർപ്പിച്ച കൂട്ടത്തിലാണ് ജീവിച്ചിരിക്കുന്ന എസ്. ജാനകിയും ഉൾപ്പെട്ടത്. പ്രമേയാവതരണ സമയത്ത് വേദിയിൽ ഇരുന്ന നേതാക്കൾ പോലും അബദ്ധം തിരിച്ചറിഞ്ഞില്ല.
അനുശോചന പ്രമേയം തയാറാക്കിയവരുടെ ആശ്രദ്ധയാണ് ഇത്തരമൊരു അബദ്ധം സംഭവിക്കാൻ ഇടയായതെന്നാണ് നേതൃത്വത്തിന്‍റെ വിശദീകരണം.
