സന്നിധാനം: യുവതീ പ്രവേശത്തിനു ശേഷം പരിഹാരക്രിയകൾ നടത്തി ശബരിമല നട വീണ്ടും തുറന്നു. ഒരു മണിക്കൂറോളം നീണ്ട ശുദ്ധിക്രിയകൾക്കു ശേഷമാണ് നട തുറന്നത്. യുവതികള്‍ ദർശനം നടത്തിയെന്ന് സ്ഥിരീകരിച്ചതിനുപിന്നാലെ രാവിലെ പത്തരയോടെയാണ് ശബരിമല ക്ഷേത്ര നട അടച്ചത്.
നടതുറന്നതിന് പിന്നാലെ ഭക്തരെ സന്നിധാനത്തേക്ക് കയറ്റിവിട്ടു തുടങ്ങി. നേരത്തെ നട പെട്ടെന്ന് അടച്ചതിനു പിന്നാലെ സന്നിധാനത്തുനിന്നും ഭക്തരെ പതിനെട്ടാംപടിക്ക് താഴേക്ക് മാറ്റിയിരുന്നു. പരിഹാരക്രിയകൾക്കു ശേഷം ദർശനത്തിനായി ഭക്തരെ കയറ്റിവിട്ടുതുടങ്ങി.
