മുംബൈ: ശബരിമലയിൽ സ്ത്രീ പ്രവേശനം അനുവദിച്ച സുപ്രീം കോടതി വിധിയെ സ്വാഗതം ചെയ്ത് സാമുഹിക പ്രവർത്തക തൃപ്തി ദേശായി രംഗത്ത്. കോടതി വിധി സ്ത്രീകളുടെ വിജയമാണ്. പഴക്കം ചെന്ന ആചാരങ്ങൾ എപ്പോഴും ശരിയായിരിക്കണമെന്നില്ല. ഉടൻതന്നെ തീയതി പ്രഖ്യാപിച്ച് ശബരിമലയിൽ പ്രവേശിക്കുമെന്നും തൃപ്തി അറിയിച്ചു.
വിധി സ്വാഗതം ചെയ്യുന്നുവെന്ന് ദേശീയ വനിതാ കമ്മീഷൻ
ന്യൂഡൽഹി: ശബരിമലയിൽ സ്ത്രീകൾക്ക് പ്രവേശിക്കാമെന്ന സുപ്രീംകോടതി വിധി സ്വാഗതം ചെയ്യുന്നുവെന്ന് ദേശീയ വനിതാ കമ്മീഷൻ അധ്യക്ഷ രേഖാ ശർമ്മ. ശബരിമലയിൽ പോകണോ വേണ്ടയോ എന്ന് ഇപ്പോൾ സ്ത്രീകൾക്ക് തീരുമാനിക്കാം. വിശ്വാസത്തിന്‍റെ പേരിൽ നേരത്തെ സ്ത്രീകളെ വിലക്കിയിരുന്നുവെന്നും രേഖാ ശർമ്മ പറഞ്ഞു.
