കൊല്ലം: ശബരിമല തീർഥാടന വേളയിലെ തിരക്ക് പ്രമാണിച്ച് ചെന്നൈയിൽ നിന്ന് കോട്ടയത്തേയ്ക്കും തിരികെയും സ്പെഷൽ ട്രെയിൻ അനുവദിച്ചു.
പ്രത്യേക ടിക്കറ്റ് നിരക്കിലായിരിക്കും ഇവ സർവീസ് നടത്തുക. ചെെന്നെയിൽ നിന്ന് നവംബർ 26, ഡിസംബർ മൂന്ന്, 10, 17, 24, 31 തീയതികളിൽ ( എല്ലാം ഞായർ ) രാത്രി 11.30 ന് പുറപ്പെടുന്ന വണ്ടി അടുത്ത ദിവസം ഉച്ചയ്ക്ക് 1.10 ന് കോട്ടയത്ത് എത്തും.
തിരികെ കോട്ടയത്തുനിന്ന് നവംബർ 27, ഡിസംബർ നാല്, 11, 18, 25, ജനുവരി ഒന്ന് എന്നീ തീയതികളിൽ ( എല്ലാം തിങ്കൾ ) രാത്രി ഏഴിന് പുറപ്പെടുന്ന വണ്ടി അടുത്ത ദിവസം രാവിലെ 10.30 ന് ചെന്നൈയിൽ എത്തും. രണ്ട് ഏസി ടൂ ടയർ, ആറ് ഏസി ത്രീടയർ, നാല് ഏസി ത്രീ ടയർ എക്കണോമി, ആറ് സ്ലീപ്പർ, രണ്ട് ജനറൽ എന്നിങ്ങനെയാണ് കോച്ച് പൊസിഷൻ.
പാലക്കാട്, തൃശൂർ, ആലുവ, എറണാകുളം നോർത്ത്, കോട്ടയം എന്നിവയാണ് കേരളത്തിലെ സ്റ്റോപ്പുകൾ. റിസർവേഷൻ ആരംഭിച്ചതായി ദക്ഷിണ റെയിൽവേ അധികൃതർ അറിയിച്ചു.
