തിരുവനന്തപുരം: മണ്ഡലകാലത്ത് ശബരിമലയിൽ ദർശനത്തിന് കൂടുതൽ യുവതികൾ എത്തുന്നു. ദർശനത്തിന് സൗകര്യം തേടി 500ൽപരം യുവതികൾ അപേക്ഷിച്ചിരിക്കുന്നുവെന്നാണ് പോലീസ് വൃത്തങ്ങളിൽ നിന്നും ലഭിക്കുന്ന വിവരം.
പോലീസിന്റെ ശബരിമല പോർട്ടലിലാണ് ദർശനത്തിന് വേണ്ടി രജിസ്റ്റർ ചെയ്തിരിക്കുന്നത്. പത്ത് വയസ്സിനും അൻപത് വയസ്സിനും മധ്യേ പ്രായമുള്ള 500 ൽപരം യുവതികളാണ് രജിസ്റ്റർ ചെയ്തിരിക്കുന്നത്.
ഇതുവരെ ശബരിമല ദർശനത്തിന് പോലീസിന്റെ പോർട്ടലിലൂടെ രജിസ്റ്റർ ചെയ്തിരിക്കുന്ന അയ്യപ്പഭക്തരുടെ എണ്ണം മൂന്നരലക്ഷം പിന്നിട്ടുവെന്നാണ് പോലീസ് വ്യക്തമാക്കുന്നത്.
