പത്തനംതിട്ട: ശബരിമലയിൽ ദർശനത്തിനെത്തിയ 12 വയസുകാരിയെ പോലീസ് തടഞ്ഞു. ശബരിമല ദർശനത്തിനെത്തിനായി പുതുച്ചേരിയിൽനിന്ന് അച്ഛനൊപ്പം ചൊവ്വാഴ്ച രാവിലെ എത്തിയ പെണ്‍കുട്ടിയെയാണു പോലീസ് പന്പയിൽ തടഞ്ഞത്.
വിർച്വൽ ക്യൂ ബുക്കിംഗിൽ കുട്ടിക്കു പത്തു വയസാണു കാണിച്ചിരുന്നത്. എന്നാൽ വനിതാ പോലീസ് ഉദ്യോഗസ്ഥർ ആധാർ കാർഡ് പരിശോധിച്ചപ്പോൾ പെണ്‍കുട്ടിക്കു 12 വയസുണ്ടെന്നു വ്യക്തമായി. ഇതോടെയാണു പെണ്‍കുട്ടിയെ തടഞ്ഞത്. എന്നാൽ, അച്ഛനെ ദർശനം നടത്താൻ പോലീസ് അനുവദിക്കുകയും ചെയ്തു.
