കൊണ്ടോട്ടി: മുന്‍ ഇന്ത്യന്‍ ഫുട്‌ബോള്‍ താരം സി. ജാബിര്‍ (44) വാഹനാപകടത്തില്‍ മരിച്ചു. ഞായറാഴ്ച രാത്രിയില്‍ കോഴിക്കോട്–പാലക്കാട് ദേശീയപാതയില്‍ മുസ്ലിയാരങ്ങാടിയില്‍ വെച്ചാണ് അപകടമുണ്ടായത്. ജാബിര്‍ ഓടിച്ച കാര്‍ ലോറിയുമായി കൂട്ടിയിടിക്കുകയായിരുന്നു. ഉടന്‍ കൊണ്ടോട്ടിയിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല.
പ്രതിരോധ നിരയിലെ താരമായ ജാബിര്‍ 1994–95 വര്‍ഷത്തെ നെഹ്‌റു കപ്പിലാണ് ഇന്ത്യക്കായി കളിച്ചത്. കേരള പോലീസ് താരമായിരുന്ന ജാബിര്‍, സന്തോഷ് ട്രോഫിയിലടക്കം നിരവധി മത്സരങ്ങളില്‍ കേരളത്തിനായി ജഴ്‌സിയണിഞ്ഞിട്ടുണ്ട്.
