23 വര്‍ഷമായി ഇവിടെ തന്നെയുണ്ട്. അന്ന് എന്‍റ കൂടെയുണ്ടായിരുന്ന പലരും ഇപ്പോഴില്ല. അതിനര്‍ഥം എന്നെ ഇഷ്ടപ്പെടുന്ന കുറേ പേര്‍ ഉണ്ടെന്നാണ്. അതേസമയം എന്നെ വെറുക്കുന്നവരുമുണ്ട്.
എന്നാല്‍ എനിക്ക് അവരോട് പരിഭവമില്ല. എന്നെ സ്‌നേഹിക്കുന്ന മനുഷ്യര്‍ ഉള്ളിടത്തോളം കാലം ഞാന്‍ ഇവിടെ തന്നെയുണ്ടാകും. എന്‍റെ അളവ് അറിയുന്ന ആളുകള്‍ വിളിക്കുന്നിടത്തോളം കാലം താന്‍ ഈ ഫീല്‍ഡില്‍ തന്നെയുണ്ടാകും. അത് എന്ന് നില്‍ക്കുന്നുവോ അന്ന് ഞാന്‍ അടുത്ത പണി നോക്കി പോകും.
എന്നു കരുതി ഞാന്‍ വാര്‍ക്കപ്പണിക്ക് പോകില്ല. എന്‍റെ കൈയില്‍ ഡിഗ്രിയുണ്ട്. വേറെ പണിയെടുത്ത് ജീവിക്കും. ജീവിതത്തില്‍ പട്ടിണി കിടക്കില്ല എന്ന ആത്മവിശ്വാസം എനിക്കുണ്ട്. എനിക്ക് അഹങ്കാരമാണെന്നും അത് കണ്ട് എന്നെ വിളിക്കില്ലെന്നും ആളുകള്‍ പറയാറുണ്ട്. സമാന്തര ലോകത്ത് ജീവിക്കുന്നവര്‍ എന്ത് പറഞ്ഞാലും അതൊന്നും എന്നെ ബാധിക്കില്ല. എന്നോട് നേരിട്ട് വരുന്നതിനെ മാത്രമേ നോക്കേണ്ടതുള്ളു. സന്തോഷത്തോടെയും സമാധാനത്തോടെയും ജീവിക്കുന്ന ആളാണ് ഞാൻ. -സാബുമോൻ
