അമിതാഭ് ബച്ചൻ, അഭിഷേക് ബച്ചൻ, ഐശ്വര്യ റായ്, ഷാരൂഖ് ഖാൻ, ആമിർ ഖാൻ, അനുഷ്ക ശർമ, രണ്‍വീർ സിംഗ്, വിരാട് കോഹ്ലിയും ധോണിയുമടക്കം ഇന്ത്യൻ ക്രിക്കറ്റ് ടീം മുഴുവനും ഇതുകൊണ്ടൊന്നും തീരുന്നില്ല താരനിര. സച്ചിന്‍റെ ജീവിത കഥപറയുന്ന സച്ചിൻ എ ബില്യണ്‍ ഡ്രീംസ് എന്ന ചിത്രത്തിന്‍റെ ആദ്യ പ്രദർശനം കാണാനെത്തിയതായിരുന്നു ഇവരെല്ലാം.
വന്ന അതിഥികളെയെല്ലാം സ്വീകരിക്കാൻ ഭാര്യ അഞ്ജലിയും മക്കളാ‍യ അർജുനും സാറയും സച്ചിനൊപ്പമുണ്ടായിരുന്നു. സിനിമ കണ്ടിറങ്ങിയ താരങ്ങളുടെ മുഖത്ത് നിറഞ്ഞ സന്തോഷം. തന്‍റെ ജീവിതകഥ പറയാൻ സിനിമയുടെ അവസാന ഭാഗത്ത് സച്ചിനും സ്ക്രീനിലെത്തുന്നുണ്ട്.
