തിരുവനന്തപുരം: യൂണിവേഴ്സിറ്റി കോളജുകളിലേക്ക് നടന്ന തെരഞ്ഞെടുപ്പുകളിൽ മിന്നും വിജയം നേടിയതിനു പിന്നാലെ മാധ്യമങ്ങളെ വിമർശിച്ച് എസ്എഫ്ഐ സംസ്ഥാന സെക്രട്ടറി സച്ചിൻ ദേവ്. കോട്ടയത്തും മറ്റിടങ്ങളിലും എസ്എഫ്ഐ നേടിയ മിന്നും വിജയങ്ങൾ ചൂണ്ടിക്കാട്ടിയാണ് സച്ചിന്‍റെ വിമർശനം.
ഫ്രറ്റേണിറ്റിയും കെഎസ്‌യുവും എബിവിപിയും വലത്പക്ഷ മാധ്യമങ്ങളും ചേർന്ന് പരാജയപ്പെടുത്താൻ പരിശ്രമിച്ച എസ്എഫ്ഐയെ വീണ്ടും വിദ്യാർഥികൾ ഹൃദയത്തിലേറ്റിയിരിക്കുന്നുവെന്ന് പറഞ്ഞാണ് സച്ചിന്‍റെ പോസ്റ്റ് തുടങ്ങുന്നത്.
എസ്എഫ്ഐ ഇനിയില്ല എന്ന് അറിയാതെയെങ്കിലും വ്യാമോഹിച്ച് പോയവർ ഒരുക്കിയ മാധ്യമ മുറികളിലല്ല വിദ്യാർഥികളുടെ ഹൃദയങ്ങളിലാണ് എസ്എഫ്ഐ എന്നും സച്ചിൻ പറയുന്നു.
