മൊബൈൽ വാലറ്റുകൾ ഉപയോഗിക്കുന്നവർക്ക് പുതിയ തലവേദനയാണ് സേഫ്കോപ്പി ട്രോജ (Xafecopy Trojan) ന്‍റെ വരവ്. സൈബർ സുരക്ഷാ സ്ഥാപനമായ കാസ്പെർസ്കിയാണ് പുതിയ ട്രോജനെ സംബന്ധിച്ച വിവരം പുറത്തുവിട്ടത്. റിപ്പോർട്ടുകൾ ശരിയാണെങ്കിൽ, അതിവിദഗ്ധമായി പണം തട്ടുന്ന മാൽവെയറാണ് സേഫ്കോപ്പി ട്രോജൻ.
സൂത്രപ്പണികളിലൂടെയാണ് സേഫ്കോപ്പി ട്രോജന്‍റെ ഫോണിലേക്കുള്ള കടന്നുകയറ്റം. ബാറ്ററി മാസ്റ്റർ തുടങ്ങിയ ആപ്പുകളിലൂടെയാണ് ട്രോജൻ ഫോണിലെത്തുന്നത്. ബാറ്ററി സേവ് ചെയ്യാനുള്ള ആപ്പുകൾ, മൊബൈൽ ഡേറ്റാ സേവ് ചെയ്യാനുള്ള ആപ്പുകൾ തുടങ്ങി പല രൂപത്തിലാണ് ട്രോജന്‍റെ വരവ്. ഒരിക്കൽ ഇൻസ്റ്റാൾ ചെയ്യപ്പെട്ടാൽ ട്രോജൻ വെബ്പേജുകളിൽ ഒരു ടാബ് തുറക്കുന്നു. ഇതിലൂടെ വാപ്പ് (WAP) അധിഷ്ഠിത സാന്പത്തിക ഇടപാടുകൾ ഉപയോക്താവ് അറിയാതെ നടത്തുകയാണ് സേഫ്കോപ്പി ട്രോജന്‍റെ പ്രവർത്തനരീതി. അതിനാൽ ഫോണിൽ ഉപയോഗിക്കുന്ന നന്പരിലെ ബാലൻസ് തീരുന്നതോ, അമിതമായ ഫോൺ ബില്ലോ ആണ് ട്രോജന്‍റെ പ്രവർത്തനഫലം. ബാങ്ക് അക്കൗണ്ട് വിവരങ്ങൾ ഫോണിൽ സേവ് ചെയ്തില്ലെങ്കിലും പണം നഷ്ടമാകുമെന്ന് സാരം. സാധാരണ ഇടപാടുകൾക്ക് ഉപയോക്താവിന് മെസേജുകൾ ലഭിക്കുമെങ്കിലും ഈ മാൽവെയർ ഫോണിലേക്ക് സന്ദേശങ്ങൾ വരുന്നത് തടയും. ഉപയോക്താവിന്റെ പണം തട്ടിയത് മൊബൈൽ സേവന ദാതാക്കൾ പോലും അറിയില്ല. വിവിധ രാജ്യങ്ങളിലായി പതിനായിരക്കണക്കിനു പേർ ഈ തട്ടിപ്പിന് ഇരയായെന്നാണ് റിപ്പോർട്ടുകൾ.
ട്രോജനെ എങ്ങനെ തടയാം?
ഫോൺ അപ്ഡേറ്റായി സൂക്ഷിക്കുക. എല്ലാ കന്പനികളും പുതിയ അപ്ഡേഷനുകൾ ഉപയോക്താക്കൾക്ക് നൽകാറുണ്ട്.
ആന്‍റി വൈറസ് സോഫ്റ്റ്‌വെയറുകളും ഇന്‍റർനെറ്റ് സെക്യൂരിറ്റി സോഫ്റ്റ്‌വെയറുകളും ഫോണിൽ ഇൻസ്റ്റാൾ ചെയ്യുക.
അപരിചിതമായ ഇ-മെയിലുകൾ തുറക്കാതിരിക്കുക.
അപരിചിതമായ പ്രസാധകർ പുറത്തിറക്കുന്ന ആപ്പുകൾ ഇൻസ്റ്റാൾ ചെയ്യുക.
– എസ്.ടി
