കൊട്ടാരക്കര: വെട്ടിക്കവല ബ്ലോക്ക് സഹകരണ ആശുപത്രിക്ക് ചക്കുവരയ്ക്കലില്‍ കെട്ടിട നിര്‍മ്മാണത്തിന്‍റെ ഉദ്ഘാടനം സഹകരണ ആശ്വാസക്ഷേമബോര്‍ഡ് വൈസ് ചെയര്‍മാന്‍ കെ.രാജഗോപാല്‍ നിര്‍വഹിച്ചു.
ചക്കുവരയ്ക്കല്‍ അഞ്ചാണംകുഴി ജംഗഷനിലെ ഭൂമിയിലാണ് ബഹുനില കെട്ടിടം നിര്‍മിക്കുന്നത്. ബ്ലോക്ക് പഞ്ചായത്ത് പദ്ധതിവിഹിതം ഉപയോഗിച്ചാണ് നിര്‍മാണം. ബ്ലോക്ക് വൈസ് പ്രസിഡന്‍റ് സുനില്‍ ടി ഡാനിയേല്‍ അധ്യക്ഷനായി.
ബ്ലോക്ക് അംഗം ഷൈന്‍പ്രഭ, ജില്ലാപഞ്ചായത്തംഗം സരോജിനി ബാബു, ബ്ലോക്ക് സ്റ്റാ ന്‍റിംഗ് കമ്മിറ്റി ചെയര്‍മാന്‍ പി.കെ. ജോണ്‍സന്‍, സിപിഎം ജില്ലാകമ്മിറ്റി അംഗം ആര്‍ സഹദേവന്‍, പഞ്ചായത്തംഗം ജെ മോഹന്‍കുമാര്‍, ആര്‍ രാജഗോപാലന്‍ നായര്‍, സഹകരണ അസി.രജിസ്ട്രര്‍ ഹരികുമാര്‍, ഇന്‍സ്‌പെക്ടര്‍ ബാലമുരളി, എഎസ് ജയചന്ദ്രന്‍, ബി. ആര്‍. ശ്രീകുമാര്‍ എന്നി വർ പ്രസംഗിച്ചു.
