നാഗ്പുർ: നാഷണൽ ബാഡ്മിന്‍റണ്‍ ചാന്പ്യൻഷിപ്പ് ഫൈനലിൽ സൈന നെഹ്വാൾ ജേതാവ്. പി.വി.സിന്ധുവിനെ നേരിട്ടുള്ള സെറ്റുകൾക്കു കീഴടക്കിയാണ് സൈനയുടെ കിരീടനേട്ടം. സ്കോർ: 21-17, 27-25. ഒളിന്പിക് വെങ്കലമെഡൽ ജേതാവായ സൈനയുടെ മൂന്നാം ദേശീയ കിരീടനേട്ടമാണിത്.
ആദ്യ സെറ്റ് 21-17 എന്ന സ്കോറിന് സ്വന്തമാക്കിയ സൈനയ്ക്കു പക്ഷേ, രണ്ടാം സെറ്റിൽ കടുത്ത പോരാട്ടം നേരിടേണ്ടിവന്നു. എന്നാൽ സിന്ധുവിന്‍റെ അണ്ഫോഴ്സ്ഡ് പിഴവുകൾ മുതലാക്കിയ സൈന വിജയം പിടിച്ചുവാങ്ങുകയായിരുന്നു.
