സായ് പല്ലവിയുമായി പ്രണയത്തിലാണെന്ന വിധത്തിൽ പ്രചരിക്കുന്ന വാർത്തകൾ നിഷേധിച്ച് സംവിധായകൻ എ.എൽ. വിജയ്. സായി പല്ലവിയെ നായികയാക്കി എ.എൽ. വിജയ് കരു എന്ന ചിത്രം സംവിധാനം ചെയ്തിരുന്നു ഈ സമയത്തെ സൗഹൃദം പിന്നീട് പ്രണയത്തിലേക്ക് വഴിമാറുകയായിരുന്നുവെന്നാണ് പ്രചരിച്ച വാർത്തകളിലുണ്ടായിരുന്നത്.
ഈ വാർത്തകളെല്ലാം തെറ്റാണെന്നും താൻ പുതിയ സിനിമയുടെ പണിപ്പുരയിലാണെന്നും എ.എൽ. വിജയ് പറഞ്ഞു. 2004ൽ നടി അമല പോളിനെ എ.എൽ. വിജയ് വിവാഹം ചെയ്തിരുന്നു. എന്നാൽ 2017ൽ ഇരുവരും വേർപിരിഞ്ഞു.
സൂര്യ നായകനാകുന്ന എൻജികെയാണ് സായ് പല്ലവി പ്രധാനവേഷത്തെ അവതരിപ്പിക്കുന്ന റിലീസിനൊരുങ്ങുന്ന ചിത്രം. പ്രഭൂദേവ, തമന്ന എന്നിവർ കേന്ദ്രകഥാപാത്രങ്ങളെ അവതരിപ്പിക്കുന്ന ദേവി 2വാണ് എ.എൽ. വിജയ്‌യുടെ പുതിയ ചിത്രം.
