പ്രിയപ്പെട്ട സാജൻ സാഗര, മിമിക്രി വേദികളിലൂടെയും ടിവി പരിപാടികളിലൂടെയും പ്രേക്ഷകർക്ക് സുപരിചിതനായ സാജൻ. 2005-ൽ പുറത്തിറങ്ങിയ വിനയൻ സാർ സംവിധാനം ചെയ്ത അദ്ഭുതദ്വീപിലൂടെയാണ് ഏറെ ജനപ്രീതി യുള്ള നടനാകുന്നത്.
ഒരു സ്റ്റേജ് ഷോയുടെ റിഹേഴ്‌സലിനിടെ വീണ് പരുക്കേറ്റ സാജൻ സാഗര 2005 സെപ്റ്റംബർ 19-ന് തന്‍റെ ഇരുപത്തിയൊൻപതാം വയസിൽ ഈ ലോകത്തോട് വിട പറഞ്ഞു. അത്ഭുത ദ്വീപിലെ ഇട്ടുണ്ണാൻ എന്ന ചമയക്കാരൻ കൂട്ടുകാരൻ ഇന്നും അദ്ഭുതമായി മനസിൽ നിറഞ്ഞു നിൽക്കുന്നു….ഒപ്പം ആ ചിരിയും…
സാജൻ സാഗര അന്തരിച്ചിട്ട് 16 വർഷം തികയുകയാണ്. 2005 ഏപ്രിൽ ഒന്നിന് അത്ഭുതദ്വീപ് റിലീസ് ചെയ്തതോടെ ആരും ശ്രദ്ധിക്കാതെ അവഗണിച്ചു പോന്നിരുന്ന ഒരു ചെറിയ വിഭാഗം മനുഷ്യർ പെട്ടെന്നു നമ്മുടെ സമൂഹത്തിൽ സെലബ്രിറ്റികളും താരങ്ങളുമായി മാറുകയായിരുന്നു എന്ന് ഗിന്നസ് പക്രു പറഞ്ഞു.
