തൃശൂർ: യുവതിയെ ബലം പ്രയോഗിച്ച് ഓട്ടോയിൽ കയറ്റി പീഡിപ്പിക്കാൻ ശ്രമിച്ചെന്ന പരാതിയിൽ കുപ്രസിദ്ധ കുറ്റവാളിയെ വിയ്യൂർ പൊലീസ് അറസ്റ്റ് ചെയ്തു. പോട്ടോർ എൽബിഎസ് കോളനിയിൽ പുതുതറ വീട്ടിൽ ഓന്ത് സജീവൻ എന്ന സജീവൻ (45) ആണ് അറസ്റ്റിലായത്. കഴിഞ്ഞ ദിവസം പോട്ടൂരിലെ വഴിയിൽവച്ചാണ് ഇയാൾ യുവതിയെ കടന്നുപിടിച്ചത്. പിന്നീട് ഒളിവിൽ പോകുകയായിരുന്നു.
14 വയസുകാരിയെ പീഡിപ്പിച്ച കേസിൽ പോക്സോ പ്രകാരം അറസ്റ്റിലായ സജീവൻ അടുത്തിടെയാണ് ജാമ്യത്തിലിറങ്ങിയത്. പ്രകൃതിവിരുദ്ധ പീഡനം എതിർത്ത യുവാവിനെ കൊലപ്പെടുത്തിയ കേസിലും ഇയാൾ പ്രതിയാണ്. 2007ലും 2017ലും കാപ്പ നിയമപ്രകാരം അറസ്റ്റിലായ സജീവൻ 40തോളം കേസുകളിൽ പ്രതികൂടിയാണ്.
