നിവിൻ പോളി നായകനായി അഭിനയിക്കുന്ന സഖാവ് എന്ന ചിത്രത്തിന്‍റെ ടീസർ പുറത്തിറങ്ങി. ചിത്രത്തിലെ കേന്ദ്രകഥാപാത്രത്തെ അവതരിപ്പിക്കുന്ന നിവിൻപോളിയുടെ ഫേസ്ബുക്ക് പേജിലൂടെയാണ് ടീസർ പുറത്തിറക്കിയത്. ടീസർ പുറത്തിറങ്ങി അരമണിക്കൂറിനുള്ളിൽ ഒരു ലക്ഷത്തിലേറെ പേർ കണ്ടുകഴിഞ്ഞു.
37 സെക്കൻഡ് ദൈർഘ്യമുള്ള ടീസറിൽ നിവിൻപോളിയുടെ ആകർഷകമായ മാനറിസങ്ങളാണ് ശ്രദ്ധേയമാക്കിയത്. സിദ്ധാർഥ് ശിവ സംവിധാനം ചെയ്യുന്ന ചിത്രത്തിൽ സഖാവ് കൃഷ്ണകുമാർ എന്ന കഥാപാത്രത്തെയാണ് നിവിൻപോളി അവതരിപ്പിക്കുന്നത്.
