ഒമര്‍ ലുലുവിന്റെ ചിത്രമായ അഡാര്‍ലവിലെ നായിക പ്രിയാവാര്യരുടെ സൈറ്റടിയില്‍ മയങ്ങിയത് ലോകമെമ്പാടുമുള്ള ലക്ഷക്കണക്കിന് ആളുകളാണ്. ഒരൊറ്റ രാത്രി ഇരുട്ടി വെളുത്തപ്പോഴേക്കും പ്രിയ ഇന്റര്‍നെറ്റില്‍ തരംഗമാവുകയും ചെയ്തു. കൂടാതെ ഇന്‍സ്റ്റാഗ്രാം ഫോളേവേഴ്സിന്റെ എണ്ണത്തില്‍ ഫേസ്ബുക്ക് സ്ഥാപകന്‍ സുക്കന്‍ ബര്‍ഗിനെപ്പോലും പിന്തള്ളുകയും ചെയ്തു. 52 ലക്ഷത്തിലധികം ആളുകളാണ് ഇപ്പോള്‍ പ്രിയയെ ഇന്‍സ്റ്റഗ്രാമില്‍ ഫോളോചെയ്യുന്നത്.
ഇപ്പോഴിത പ്രിയയ്ക്ക് വെല്ലുവിളി ഉയര്‍ത്തി മറ്റൊരു താരം രംഗത്തെത്തിയിരിക്കുകയാണ്. ഇപ്പോഴത്തെ സോഷ്യല്‍ മീഡിയയിലെ ചൂടോറിയ ചര്‍ച്ചാ വിഷയം സാക്ഷി മാലിക് എന്ന സുന്ദരിയെക്കുറിച്ചാണ്. ഒറ്റ ഡാന്‍സ് നമ്പര്‍ കൊണ്ടാണ് സാക്ഷി സോഷ്യല്‍ മീഡിയയെ പിടിച്ചുകുലുക്കിയത്. സാക്ഷി മാലികിനു ഇന്‍സ്റ്റാഗ്രാമില്‍ ചുരങ്ങിയ സമയത്തിനുള്ളില്‍ തന്നെ പത്തുലക്ഷത്തിലധികം ഫോാളോവേഴ്സിനെ നേടാനും സാക്ഷിക്ക് കഴിഞ്ഞു. കഴിഞ്ഞ ഏതാനും ദിവസം കൊണ്ട് ഫോളോവേഴ്‌സിന്റെ എണ്ണത്തില്‍ വന്‍ കുതിച്ചുചാട്ടമാണുണ്ടായത്.
മോഡല്‍ എന്ന നിലയില്‍ ശ്രദ്ധിക്കപ്പെട്ട സാക്ഷിയുടെ പരസ്യചിത്രങ്ങളെല്ലാം തന്നെ ജനപ്രിയമാണ്. വളരെ നേരത്തെ തന്നെ സോഷ്യല്‍ മീഡിയയില്‍ സജീവമായിരുന്ന സാക്ഷി ഇപ്പോള്‍ കൂടുതല്‍ സജീവമാകുകയാണ്. അഭിനയം മോഡലിംഗ് കൂടാതെ നൃത്തവും സാക്ഷിയ്ക്ക് ഏറെ പ്രിയപ്പെട്ടതാണ്.ബിടെക് ബിരുദകാരിയായ സാക്ഷി തന്റെ കരിയര്‍ മോഡലിംഗിനു വേണ്ടി മാറ്റിവെച്ചിരിക്കുകയാണ്. സാക്ഷിയുടെ ചിത്രങ്ങള്‍ ഇപ്പോള്‍ ഇന്റര്‍നെറ്റില്‍ തരംഗം സൃഷ്ടിക്കുകയാണ്. സാക്ഷി പ്രിയയെ കടത്തി വെട്ടുമോ എന്നാണ് ഇപ്പോള്‍ സോഷ്യല്‍ മീഡിയ ഉറ്റു നോക്കുന്നത്. പ്രിയയെക്കാള്‍ ഹോട്ടാണ് സാക്ഷി എന്നാണ് പരക്കെയുള്ള അഭിപ്രായം.
