വാർത്തകൾ സൃഷ്ടിക്കുന്ന കാര്യത്തിൽ മറ്റേതു താരത്തേക്കാളും മുൻപന്തിയിലാണ് ബോളിവുഡ് സൂപ്പർ താരം സൽമാൻഖാൻ. പ്രണയകഥകൾ, പോലീസ് കേസുകൾ, സഹതാരങ്ങളുമായുള്ള ശത്രുതയുടെ കഥകൾ തുടങ്ങി സൽമാൻ നായകന്‍റെയും പ്രതിനായകന്‍റെയും വേഷമണിഞ്ഞ എത്രയെത്ര കഥകൾ.
ഇപ്പോൾ സൽമാനെപ്പറ്റി മറ്റൊരു വാർത്തയും പുറത്തുവന്നിരിക്കുകയാണ്. വാർത്ത പുറത്തുവിട്ടത് മറ്റാരുമല്ല സൽമാന്‍റെ പിതാവും തിരക്കഥാകൃത്തുമായ സലിം ഖാനാണ്. വിദ്യാർഥിയായിരുന്നപ്പോൾ സല്‍മാന്‍ ഖാൻ പരീക്ഷകള്‍ പാസ്സായിരുന്നത് അത്ര നേരായ വഴികളിലൂടെയൊന്നുമല്ലെന്നാണ് പിതാവിന്‍റെ വെളിപ്പെടുത്തൽ.
ചോദ്യപേപ്പര്‍ ചോര്‍ത്തിയാണത്രേ സല്‍മാന്‍ ഖാൻ പല പരീക്ഷകളും ജയിച്ചത്. സോണി ടിവിയില്‍ സംപ്രേഷണം ചെയ്യുന്ന കപില്‍ ശര്‍മ്മ ഷോയിലാണ് സലിം ഖാൻ പുതിയ വെളിപ്പെടുത്തൽ നടത്തിയത്.
