തെന്നിന്ത്യൻ നടി സാമന്ത തന്‍റെ ഇന്‍സ്റ്റഗ്രാം പേജില്‍ പോസ്റ്റ്ചെയ്ത ഒരു ചിത്രം സോഷ്യൽ മീഡിയയിൽ വൈറലായിക്കഴിഞ്ഞു. ബിക്കിനി വേഷത്തിൽ കടൽത്തീരത്ത് കിടക്കുന്ന ചിത്രമാണ് നടി പങ്കു വച്ചത്.
ചിത്രത്തെ അനുകൂലിച്ചും പ്രതികൂലിച്ചും സോഷ്യൽ മീഡിയയിൽ കമന്‍റുകൾ നിറയുകയാണ്. അക്കിനേനി കുടുംബത്തിലെ മരുമകള്‍ ഇങ്ങനെയൊരു ചിത്രം പോസ്റ്റ് ചെയ്തത് അദ്ഭുതപ്പെടുത്തിയെന്നാണ് ഒരാൾ കമന്‍റ് ചെയ്തത്. എന്നാൽ താരം ഇതുകൊണ്ടൊന്നും കുലുങ്ങിയില്ല.
മറ്റുള്ളവർക്ക് ചെയ്യാൻ സാധിക്കാത്തത് ചെയ്യുന്നവളാണ് യഥാർഥ ധീരവനിതയെന്നാണ് താരം മറുപടി നൽകിയത്.ശിവകാര്‍ത്തികേയന്‍ നായകനാകുന്ന ചിത്രത്തിൽ ഇപ്പോൾ സാമന്ത അഭിനയിച്ചുകൊണ്ടിരിക്കുകയാണ്.
