നെ​യ്യാ​റ്റി​ൻ​ക​ര സ​ന​ൽ​കു​മാ​റി​ന്‍റെ മ​ര​ണം; ഹ​രി​കു​മാ​ർ സം​സ്ഥാ​നം വി​ട്ടി​ട്ടി​ല്ലെ​ന്നും തിരുവനന്തപുരത്തെ ഒ​ളി​സ​ങ്കേ​ത​ത്തി​ലെ​ന്നും അ​ഭ്യൂ​ഹം; കോട​തി​യി​ൽ കീ​ഴ​ട​ങ്ങി​യേ​ക്കുമെന്ന് സൂചന

തി​രു​വ​ന​ന്ത​പു​രം: നെ​യ്യാ​റ്റി​ൻ​ക​ര​യി​ൽ വാക്കുതർക്കത്തിനിടയിൽ ഡിവൈഎസ്പി പിടിച്ചുതള്ളിയതിനെ തുടർന്ന് സ​ന​ൽ​കു​മാ​ർ എന്ന യുവാവ് മരിച്ച സംഭവത്തിൽ പ്രതിയായ ഡി​വൈ​എ​സ്പി ഹ​രി​കു​മാ​ർ കോ​ട​തി​യി​ൽ കീ​ഴ​ട​ങ്ങി​യേ​ക്കും. തി​രു​വ​ന​ന്ത​പു​രം സെ​ഷ​ൻ​സ് കോ​ട​തി​യി​ൽ സ​മ​ർ​പ്പി​ച്ചി​രി​ക്കു​ന്ന മു​ൻ​കൂ​ർ ജാ​മ്യാ​പേ​ക്ഷ പ​തി​നാ​ലി​ന് പ​രി​ഗ​ണി​ക്കു​ന്നു​ണ്ട്.

ജാ​മ്യാ​പേ​ക്ഷ കോ​ട​തി ത​ള്ളി​യാ​ൽ ഹ​രി​കു​മാ​ർ കീ​ഴ​ട​ങ്ങാ​നാ​ണ് സാ​ധ്യ​ത. കൊ​ല്ല​ത്തെ ഏ​തെ​ങ്കി​ലും കോ​ട​തി​യി​ൽ കീ​ഴ​ട​ങ്ങാ​ൻ ശ്ര​മി​ച്ചേ​ക്കു​മെ​ന്നാ​ണ് ക്രൈം​ബ്രാ​ഞ്ച് ക​രു​തു​ന്ന​ത്. ഇതിനായി ഇ​ട​നി​ല​ക്കാ​ർ ചി​ല ഭ​ര​ണ​ക​ക്ഷി നേ​താ​ക്ക​ളു​മാ​യും പൊ​ലീ​സ് ഓ​ഫി​സേ​ഴ്സ് അ​സോ​സി​യേ​ഷ​ന്‍റെ ഒരു നേ​താ​വു​മാ​യും ബ​ന്ധ​പ്പെ​ട്ട​താ​യി സ്പെ​ഷ​ൽ ബ്രാ​ഞ്ചി​നു സൂ​ച​ന ല​ഭി​ച്ചി​ട്ടു​ണ്ട്.

അ​തേ സ​മ​യം ഹ​രി​കു​മാ​റി​ന് വേ​ണ്ടി ക്രൈം​ബ്രാ​ഞ്ചി​ന്‍റെ അ​ന്വേ​ഷ​ണം ഉൗ​ർ​ജി​ത​മാ​ക്കി​യെ​ങ്കി​ലും അ​ദ്ദേ​ഹ​ത്തെ അ​റ​സ്റ്റ് ചെ​യ്യാ​ൻ ഇ​നി​യും സാ​ധി​ച്ചി​ട്ടി​ല്ല. ത​മി​ഴ്നാ​ട്, ക​ർ​ണാ​ട​ക എ​ന്നീ സം​സ്ഥാ​ന​ങ്ങ​ളി​ലേ​ക്ക് ഒ​ളി​വി​ൽ പോ​കാ​ൻ സാ​ധ്യ​ത​യു​ള്ള​തി​നാ​ൽ ഈ ​സം​സ്ഥാ​ന​ങ്ങ​ളി​ലേ​ക്ക് അ​ന്വേ​ഷ​ണം വ്യാ​പി​പ്പി​ച്ചി​രി​ക്കു​ക​യാ​ണെ​ന്നാ​ണ് പോ​ലീ​സ് പ​റ​യു​ന്ന​ത്. എ​ന്നാ​ൽ ഡി​വൈ​എ​സ്പി ഹ​രി​കു​മാ​ർ തി​രു​വ​ന​ന്ത​പു​രം ജി​ല്ല വി​ട്ടി​ട്ടി​ല്ലെ​ന്നും തീ​ര​പ്ര​ദേ​ശ മേ​ഖ​ല​യി​ലെ ഒ​ളി​സ​ങ്കേ​ത​ത്തി​ലു​ണ്ടെ​ന്നും അ​ഭ്യൂ​ഹ​ങ്ങ​ൾ പ​ര​ക്കു​ന്നു​ണ്ട്.

ക്രൈം​ബ്രാ​ഞ്ച് എ​സ്പി. ആ​ന്‍റ​ണി​യു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് അ​ന്വേ​ഷ​ണം ന​ട​ത്തു​ന്ന​ത്. ഹ​രി​കു​മാ​റി​നെ ര​ക്ഷ​പ്പെ​ടു​ത്താ​ൻ ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​രും ഭ​ര​ണ​ക​ക്ഷി​യി​ലെ ഉ​ന്ന​ത​രും സ​ഹാ​യം ന​ൽ​കു​ന്നു​ണ്ടെ​ന്നാ​ണ് ജ​ന​ങ്ങ​ൾ വ്യ​ക്ത​മാ​ക്കു​ന്ന​ത്. ജി​ല്ല​യി​ലെ ഉ​ന്ന​ത​നാ​യ ഒ​രു പോ​ലീ​സ് ഓ​ഫീ​സ​റും സി​പി​എ​മ്മി​ലെ ഉ​ന്ന​ത​നാ​യ ജി​ല്ലാ നേ​താ​വും ഹ​രി​കു​മാ​റി​ന് വേ​ണ്ട സം​ര​ക്ഷ​ണ ക​വ​ചം ഒ​രു​ക്കി​യ​താ​ണ് ഹ​രി​കു​മാ​റി​നെ അ​റ​സ്റ്റ് ചെ​യ്യാ​ൻ സാ​ധി​ക്കാ​ത്ത​തി​ന് കാ​ര​ണ​മെ​ന്നാ​ണ് നാ​ട്ടു​കാ​ർ ആ​രോ​പി​യ്ക്കു​ന്ന​ത്.

സാ​ന്പ​ത്തി​ക ഇ​ട​പാ​ടു​ക​ൾ ഉ​ൾ​പ്പെ​ടെ പ​ല കാ​ര്യ​ങ്ങ​ൾ​ക്കും ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​നും നേ​താ​വും കൂ​ടി ന​ട​ത്തി​യി​ട്ടു​ണ്ടെ​ന്നും നാ​ട്ടു​കാ​ർ ആ​രോ​പി​യ്ക്കു​ന്നു. അ​തേ സ​മ​യം ഹ​രി​കു​മാ​റി​നെ അ​റ​സ്റ്റ് ചെ​യ്യു​ന്ന​ത് വൈ​കി​യാ​ൽ സ​ന​ൽ​കു​മാ​റി​ന്‍റെ കു​ടും​ബ​ത്തോ​ടൊ​പ്പം ജ​ന​ങ്ങ​ൾ നെ​യ്യാ​റ്റി​ൻ​ക​ര പോ​ലീ​സ് സ്റ്റേ​ഷ​നി​ലും സെ​ക്ര​ട്ട​റി​യേ​റ്റി​ന് മു​ന്നി​ലും സ​ത്യാ​ഗ്ര​ഹം ന​ട​ത്തു​ന്ന​തി​ന് ആ​ലോ​ച​ന ആ​രം​ഭി​ച്ചി​ട്ടു​ണ്ട്.

സ​ന​ൽ​കു​മാ​റി​ന്‍റെ മ​ര​ണം ന​ട​ന്ന് ആ​റ് ദി​വ​സം പി​ന്നി​ട്ടി​ട്ടും കേ​സി​ലെ പ്ര​തി​യാ​യ ഡി​വൈ​എ​സ്പി ഹ​രി​കു​മാ​റി​നെ അ​റ​സ്റ്റ് ചെ​യ്യാ​ൻ സാ​ധി​ക്കാ​ത്ത​ത് പോ​ലീ​സി​ന് സ​മൂ​ഹ മ​ധ്യ​ത്തി​ൽ ഏ​റെ അ​വ​മ​തി​പ്പ് ഉ​ണ്ടാ​ക്കി​യി​ട്ടു​ണ്ട്. ഈ ​വി​ഷ​യ​ത്തി​ൽ പോ​ലീ​സ് സേ​ന​യി​ൽ ത​ന്നെ ഭി​ന്ന അ​ഭി​പ്രാ​യ​ങ്ങ​ൾ ഉ​യ​ർ​ന്നി​രി​ക്കു​ക​യാ​ണ്. പോ​ലീ​സ് സം​ഘ​ട​ന നേ​താ​ക്ക​ളും ഹ​രി​കു​മാ​റി​ന് വേ​ണ്ടി ര​ഹ​സ്യ സ​ഹാ​യം ചെ​യ്യു​ന്നു​വെ​ന്ന വി​വ​ര​ങ്ങ​ൾ പു​റ​ത്ത് വ​രു​ന്ന പ​ശ്ചാ​ത്ത​ല​ത്തി​ൽ പ​ല പോ​ലീ​സ് ഉ​ദ്യോ​ഗ​സ്ഥ​ർ​ക്കും സം​ഘ​ട​നാ നേ​താ​ക്ക​ളോ​ട് അ​മ​ർ​ഷം ഉ​ണ്ട്.