തിരുവനന്തപുരം: നഷ്ടപ്പെട്ട മകളുടെ ഓർമ്മയിൽ പെൺകുട്ടികളെ ഏറെ സ്നേഹിക്കുന്ന ഒരച്ഛനെ വേട്ടയാടിയ എതിരാളികൾക്കും മാധ്യമങ്ങൾക്കും തൃശൂരിലെ ജനങ്ങൾ മറുപടി കൊടുത്തെന്ന് ബിജെപി വക്താവ് സന്തീപ് ജി. വാര്യർ.
സുരേഷ് ഗോപി തൃശൂർ എടുക്കുകയല്ല തൃശൂർ സുരേഷ് ഗോപിയെ എടുത്തിരിക്കുന്നു എന്ന് സന്ദീപ് പറഞ്ഞു. സുരേഷ് ഗോപിയുടെ വിജയത്തിനു പിന്നാലെയാണ് സന്ദീപ് വാര്യരുടെ പ്രതികരണം.
ഫേസ്ബുക്ക് പോസ്റ്റിലാണ് ഇക്കാര്യത്തെ കുറിച്ച് അദ്ദേഹം പറഞ്ഞിരിക്കുന്നത്. ശക്തമായ ത്രികോണ മത്സരം നടന്ന തൃശൂരിൽ വന്പന്മാരെ മലർത്തിയടിച്ച് എൻഡിഎ സ്ഥാനാർഥി സുരേഷ് ഗോപിയുടെ വിജയക്കുതിപ്പ്.
ഫേസ്ബുക്ക് പോസ്റ്റിന്‍റെ പൂർണ രൂപം…
ഒരു മനുഷ്യനെ, സ്നേഹിക്കാൻ മാത്രമറിയാവുന്ന ഒരു പാവത്തിനെ, നഷ്ടപ്പെട്ട മകളുടെ ഓർമ്മയിൽ പെൺകുട്ടികളെ ഏറെ സ്നേഹിക്കുന്ന ഒരച്ഛനെ വേട്ടയാടിയ എതിരാളികൾക്കും മാധ്യമങ്ങൾക്കും തൃശൂരിലെ ജനങ്ങൾ മറുപടി കൊടുത്തു കഴിഞ്ഞു. ഇത്തവണ സുരേഷ് ഗോപി തൃശൂർ എടുക്കുകയല്ല , തൃശൂർ സുരേഷ് ഗോപിയെ എടുത്തിരിക്കുന്നു . അഭിമാനമാണ് സുരേഷേട്ടൻ.
