മനോനിലയ്ക്ക് കുഴപ്പമുണ്ടോ? യു​വ​ഡോ​ക്ട​റെ കൊ​ല​പ്പെ​ടു​ത്തി​യ സ​ന്ദീ​പ് മെ​ഡി​ക്ക​ൽ ബോ​ർ​ഡി​ന് മു​മ്പി​ലേക്ക്

കൊ​ല്ലം: കൊട്ടാരക്കര താലൂക്ക് ആശുപത്രിയിൽ വ​നി​താ ഡോ​ക്ട​റെ കു​ത്തി​ക്കൊ​ല​പ്പെ​ടു​ത്തി​യ സം​ഭ​വ​ത്തി​ൽ പ്ര​തി സ​ന്ദീ​പി​നെ ഇ​ന്ന് തി​രു​വ​ന​ന്ത​പു​ര​ത്ത് മെ​ഡി​ക്ക​ൽ ബോ​ർ​ഡി​ന്‍റെ മു​ന്പി​ൽ ഹാ​ജ​രാ​ക്കും.​

സന്ദീപിന്‍റെ മാനസിക നില പരിശോധിക്കാനാണ് ന​ട​പ​ടി. നി​ല​വി​ൽ അ​ഞ്ച് ദി​വ​സ​ത്തേ​ക്ക് പോ​ലീ​സ് ക​സ്റ്റ​ഡി​യി​ലാ​ണ് സ​ന്ദീ​പ്. ഇ​യാ​ളു​ടെ മാ​ന​സി​ക ആ​രോ​ഗ്യ​നി​ല വി​ല​യി​രു​ത്തി​യ​ശേ​ഷ​മെ കൂ​ടു​ത​ൽ ചോ​ദ്യം ചെ​യ്യ​ലും തെ​ളി​വെ​ടു​പ്പും ഉ​ണ്ടാ​കു. മെ​ഡി​ക്ക​ല്‍ കോ​ള​ജ് സൂ​പ്ര​ണ്ടാ​ണ് ബോ​ര്‍​ഡി​നെ ന​യി​ക്കു​ന്ന​ത്.

ഇ​ന്ന​ലെ സ​ന്ദീ​പി​നെ കോ​ട​തി​യി​ൽ ഹാ​രാ​ക്കി​യ​പ്പോ​ൾ ചി​ല ആ​രോ​ഗ്യ പ്ര​ശ്ന​ങ്ങ​ൾ ഉ​ള്ള​തി​നാ​ൽ വേ​ഗ​ത്തി​ൽ ചി​കി​ത്സ ന​ൽ​കാ​ൻ കോ​ട​തി നി​ർ​ദേ​ശി​ച്ചി​രു​ന്നു.

തു​ട​ർ​ന്ന് പു​ന​ലൂ​ർ താ​ലൂ​ക്ക് ആ​ശു​പ​ത്രി​യി​ൽ ഇ​യാ​ൾ​ക്ക് വി​ദ​ഗ്ധ ചി​കി​ത്സ​ന​ൽ​കി. ഡോ​ക്ട​ർ​മാ​രു​ടെ​യും പോ​ലീ​സി​ന്‍റെ​യും ചോ​ദ്യ​ങ്ങ​ൾ​ക്ക് ഇ​യാ​ൾ കൃ​ത്യ​മാ​യ മ​റു​പ​ടി ന​ൽ​കി​യി​രു​ന്നു. പ്ര​തി​ഷേ​ധം ശ​ക്ത​മാ​യ​തി​നാ​ൽ വ​ൻ​പോ​ലീ​സ് സ​ന്നാ​ഹ​മാ​ണ് സ​ന്ദീ​പി​ന് ചു​റ്റും ഒ​രു​ക്കി​യി​ട്ടു​ള്ള​ത്.