സഹോദരി സാധിക ഇയ്യപ്പന്‍റെ വിവാഹത്തില്‍ തിളങ്ങി നടി സാനിയ ഇയ്യപ്പന്‍. സാസ്വത് കേദര്‍ നാദ് എന്നാണ് വരന്‍റെപേര്. വിവാഹച്ചടങ്ങിലെ ചിത്രങ്ങളും വീഡിയോയും നടി പങ്കുവെച്ചിട്ടുണ്ട്. ‘ഇതെന്‍റെ സഹോദരിയുടെ കല്യാണം ’എന്നെഴുതിയ സാനിയയുടെ വസ്ത്രമായിരുന്നു പ്രധാന ആകര്‍ഷണം.
ഡാന്‍സും പാട്ടുമൊക്കെയായി സഹോദരിയുടെ വിവാഹം ആഘോഷമാക്കി സാനിയ. കൊച്ചിയിൽ ജനിച്ചു വളര്‍ന്ന സാനി യയുടെ അച്ഛന്‍ ഇയ്യപ്പന്‍റെ സ്വദേശം തമിഴ്‌നാടാണ്. അമ്മ സന്ധ്യയുടെ നാട് കൊടുങ്ങല്ലൂരും. സാധികയാണ് ഒരേയൊരു സഹോദരി.
ഡാൻസ് റിയാലിറ്റി ഷോയിലൂടെയെത്തി സിനിമയില്‍ സജീവമായ സാനിയ മോഡലിംഗിലൂടെയാണ് കരിയറിനു തുടക്കം കുറിച്ചത്. ബാല്യകാലസഖി എന്ന ചിത്രത്തിലൂടെ ബാലതാരമായെത്തിയ സാനിയ ക്വീന്‍ എന്ന ചിത്രത്തിലൂടെ നായികയായും അരങ്ങേറ്റം നടത്തി.
