മുംബൈ: കൈയിലെ പരിക്ക് ഭേതമായി. രാജസ്ഥാൻ റോയൽസിനെ മലയാളി താരം സഞ്ജു സാംസൺ ഇനി നയിക്കും. വിക്കറ്റ് കീപ്പിംഗും ക്യാപ്റ്റൻസിയും ഏറ്റെടുക്കാൻ ബിസിസിഐയുടെ സെന്‍റർ ഓഫ് എക്സലൻസിന്‍റെ അനുമതി ലഭിച്ചതിനെ തുടർന്നാണ് തീരുമാനം.
വിരലിന് ഒടിവ് സംഭവിച്ചതിനാൽ ഐപിഎല്ലിലെ ആദ്യ മൂന്ന് മത്സരങ്ങളിൽ ബാറ്റ്സ്മാനായി മാത്രമേ കളിച്ചിരുന്നുള്ളൂ. ഇതോടെ, ധ്രുവ് ജുറൽ വിക്കറ്റ് കീപ്പറായി, റിയാൻ പരാഗ് ടീമിനെ നയിക്കുകയും ചെയ്തു.
ഏപ്രിൽ 5 ന് നടക്കുന പഞ്ചാബ് കിംഗ്‌സിനെതിരായ മത്സരം മുതലായിരിക്കും സഞ്ജു ടീമിനെ നയിക്കുക. സീസണിൽ സമ്മിശ്രമായ തുടക്കമാണ് ടീമിന് ലഭിച്ചത്, ചെന്നൈ സൂപ്പർ കിംഗ്‌സിനെതിരെ വിജയം നേടുന്നതിന് മുമ്പ് രണ്ട് മത്സരങ്ങൾ രാജസ്ഥാൻ തോറ്റിരുന്നു.
