ജോലിക്ക് ലോക്കില്ല; സൈക്കിളിൽ 23 കിലോമീറ്റർ താണ്ടി ക​ടു​ത്തു​രു​ത്തി ബ്ലോ​ക്കിൽ ജോലിക്കെത്തുന്ന സന്തോഷ്

ക​ടു​ത്തു​രു​ത്തി: ലോ​ക്ക്ഡൗ​ണി​ൽ വാ​ഹ​ന​സൗ​ക​ര്യ​ങ്ങ​ൾ പ​രി​മി​ത​മാ​യ​തോ​ടെ ബ്ലോ​ക്ക് പ​ഞ്ചാ​യ​ത്ത് ജീ​വ​ന​ക്കാ​ര​ൻ ഓ​ഫീ​സി​ൽ ജോ​ലി​ക്കെ​ത്തു​ന്ന​ത് 23 കി​ലോ​മീ​റ്റ​ർ സൈ​ക്കി​ളി​ൽ സ​ഞ്ച​രി​ച്ച്.

സൈ​ക്കി​ളി​ൽ കോ​വി​ഡ് പ്ര​തി​രോ​ധ സ​ന്ദേ​ശ​ങ്ങ​ളെ​ഴു​തി​യാ​ണ് ഇ​ദേ​ഹ​ത്തി​ന്‍റെ യാ​ത്ര. ക​ടു​ത്തു​രു​ത്തി ബ്ലോ​ക്ക് പ​ഞ്ചാ​യ​ത്തി​ലെ ജീ​വ​ന​ക്കാ​ര​നാ​യ കു​മാ​ര​ന​ല്ലൂ​ർ സ​ന്തോ​ഷ്ഭ​വ​നി​ൽ എ​സ്.​കെ. സ​ന്തോ​ഷാ​ണ് ദീ​ർ​ഘ​ദൂ​രം സൈ​ക്കി​ളി​ൽ സ​ഞ്ച​രി​ച്ചു താ​ൻ ജോ​ലി ചെ​യ്യു​ന്ന ഓ​ഫീ​സി​ലെ​ത്തു​ന്ന​ത്.

പൊ​തു​ഗ​താ​ഗ​തം പു​നഃ​സ്ഥാ​പി​ക്കു​ന്ന​ത് വ​രെ സൈ​ക്കി​ളി​ൽ ഓ​ഫീ​സി​ലെ​ത്താ​നാ​ണ് സ​ന്തോ​ഷി​ന്‍റെ തീ​രു​മാ​നം. എ​ൻ​ജി​ഒ യൂ​ണി​യ​ൻ വൈ​ക്കം ഏ​രി​യാ ക​മ്മി​റ്റി അം​ഗ​മാ​യ സ​ന്തോ​ഷ് കോ​വി​ഡ് പ്ര​തി​രോ​ധ​ത്തി​ന്‍റെ സ​ന്ദേ​ശം സൈ​ക്കി​ളി​ന്‍റെ വി​വി​ധ ഭാ​ഗ​ങ്ങ​ളി​ൽ പെ​യി​ന്‍റ് ഉ​പ​യോ​ഗി​ച്ചു എ​ഴു​തി വ​ച്ചി​ട്ടു​ണ്ട്.

സാ​നി​റ്റൈ​സ​ർ ഉ​പ​യോ​ഗി​ക്കു​ക, കൈ ​ക​ഴു​കു​ക, മാ​സ്ക്ക് ഉ​പ​യോ​ഗി​ക്കു​ക, പൊ​തു​സ്ഥ​ല​ങ്ങ​ളി​ൽ തു​പ്പ​രു​ത് തു​ട​ങ്ങി​യ സ​ന്ദേ​ശ​ങ്ങ​ളാ​ണ് സൈ​ക്കി​ളി​ന്‍റെ വി​വി​ധ ഭാ​ഗ​ങ്ങ​ളി​ൽ എ​ഴു​തി​യി​രി​ക്കു​ന്ന​ത്. സൈ​ക്കി​ളി​ൽ സാ​നി​റ്റൈ​സ​ർ വ​ച്ചി​ട്ടു​മു​ണ്ട്.

ആ​ർ​ക്കും ഇ​ത് ഉ​പ​യോ​ഗി​ക്കാം. കോ​വി​ഡി​നെ​തി​രേ​യു​ള്ള പ്ര​തി​രോ​ധ​ത്തി​ന്‍റെ സ​ന്ദേ​ശം ത​ന്നാ​ലാ​കു​ന്ന​തു​പോ​ലെ പ്ര​ച​രി​പ്പി​ക്കു​ന്ന​തി​നാ​ണ് രാ​വി​ലെ ക​ടു​ത്തു​ര​ത്തി ഓ​ഫീ​സി​ലേ​ക്കും തി​രി​ച്ചു കു​മാ​ര​ന​ല്ലൂ​ർ​ക്കും പോ​കു​ന്ന​തി​ന് ഈ​മാ​ർ​ഗം സ്വീ​ക​രി​ച്ച​തെ​ന്ന് സ​ന്തോ​ഷ് പ​റ​യു​ന്നു.