ചെറിയ ഇടവേളയ്ക്ക് ശേഷം പുതിയ ചിത്രവുമായി സന്തോഷ് പണ്ഡിറ്റ് എത്തുന്നു. ‘കേര‍ള ലൈവ്’ എന്ന് പേരിട്ടിരിക്കുന്ന ചിത്രത്തിന്‍റെ രണ്ടാം ഷെഡ്യൂൾ ഉടൻ തന്നെ ആരംഭിക്കും.
ചിത്രത്തിൽ നൂറിലധികം പുതുമുഖ താരങ്ങൾ അഭിനയിക്കുന്നുണ്ടെന്ന് സന്തോഷ് പണ്ഡിറ്റ് പറഞ്ഞു. ഫെയ്സ്ബുക്കിലൂടെയാണ് സന്തോഷ് ഇക്കാര്യം അറിയിച്ചത്. കാമറ ഒഴികെ ബാക്കി വർക്കുകളും സന്തോഷ് പണ്ഡിറ്റ് തന്നെയാണ് ചെയ്യുന്നത്.
കുളു, മണാലി, കശ്മീർ എന്നിവടങ്ങളിലാണ് ഇനി ചിത്രത്തിലെ പാട്ടിന്‍റെ ചിത്രീകരണമെന്നും സന്തോഷ് പണ്ഡിറ്റ് കുറിപ്പിൽ പറഞ്ഞു. തനിക്കൊപ്പം ഡയലോഗ് ഉള്ള നൂറിലധികം പുതുമുഖ നടിമാർ അഭിനയിക്കുന്നുവെന്നും സന്തോഷ് വ്യക്തമാക്കി.
ഫേസ്ബുക്ക് കുറിപ്പിന്‍റെ പൂർണരൂപം
വെറും 5 ലക്ഷം രൂപാ ബഡ്ജറ്റിൽ ഒരുങ്ങുന്ന എൻ്റെ 12 മത്തെ സിനിമ “കേരളാ ലൈവ്” രണ്ടാം ഷെഡ്യൂൾ ഉടനെ ആരംഭിക്കുന്ന വിവരം എല്ലാവരെയും സന്തോഷത്തോടെ അറിയിക്കുന്നു.. എന്നോടൊപ്പം ഡയലോഗ് ഉള്ള 100 + പുതുമുഖ നടീ നടൻമാർ അഭിനയിക്കുന്നു. ആദ്യ schedule കഴിഞ്ഞതിൽ പിന്നെ മഴ, എൻ്റെ ചില കുഞ്ഞു ചാരിറ്റി പ്രവർത്തനങ്ങൾ ഒക്കെ ആയി തുടർച്ചയായി യാത്രയിൽ ആയതിനാൽ കുറേ സമയം പോയതാണ് ഒരു ചെറിയ ഗ്യാപ് വരുവാൻ കാരണം. ചില ഗാനങ്ങൾ ഷില്ലോങ്, ഡാർജിലിംഗ് ഭാഗത്ത് ഷൂട്ട് ചെയ്ത് കഴിഞ്ഞ്.. ആകെ 8 പാട്ട് ഉണ്ടേ.. ബാക്കി ഗാനങ്ങൾ കുളു, മണാലി, കാശ്മീർ ഉടനേ ചെയ്യണം.. രണ്ടു സംഘട്ടനങ്ങൾ ഷൂട്ട് ചെയ്ത് കഴിഞ്ഞ് ട്ടോ. ബാക്കി ഈ schedule ലിൽ പൂർത്തി ആക്കണം..ക്യാമറ ഒഴികെ എല്ലാ ജോലികളും ഞാൻ ഒറ്റക്ക് ചെയ്യുന്നു. എഡിറ്റിങ് , ഡബ്ബിംഗ് ജോലികൾ ഉടനേ ചെയ്ത് തീര്ത്തു ഓണം റിലീസ് പ്രതീക്ഷിക്കുന്നു. എല്ലാവരുടെയും അനുഗ്രഹം പ്രതീക്ഷിക്കുന്നു..
By Santhosh Pandit (പണ്ഡിറ്റിനെ പോലെ ആരുമില്ല..)
