അടുത്തിടെ ഇറങ്ങിയ മോഹന്‍ലാല്‍ ചിത്രമായ ആറാട്ടിനു ശേഷമാണ് സന്തോഷ് വര്‍ക്കി എന്ന യുവാവിനെ കേരളക്കര ശ്രദ്ധിക്കുന്നത്.
ലാലേട്ടന്റെ കടുത്ത ആരാധകനായ സന്തോഷ് അന്ന് സിനിമയെക്കുറിച്ച് പറഞ്ഞത് ‘ആറാട്ടില്‍ ലാലേട്ടന്‍ ആറാടുകയാണ്’ എന്നാണ്.
ഇത് സോഷ്യല്‍ മീഡിയയില്‍ വന്‍ഹിറ്റായി. അതിനുശേഷം സോഷ്യല്‍ മീഡിയയും ഓണ്‍ലൈന്‍ ചാനലുകളുമെല്ലാം സന്തോഷ് വര്‍ക്കിയുടെ പിറകെയായിരുന്നു.
മോഹന്‍ലാലിനോടുള്ള കടുത്ത ആരാധന കാരണം പല സ്ഥലങ്ങളിലും താന്‍ അപമാനിക്കപ്പെട്ടു എന്ന് സന്തോഷ് പറഞ്ഞിരുന്നു.
ലാലേട്ടന്‍ പോലും തന്നെ അപമാനിച്ചു എന്ന് ഫേസ്ബുക്ക് പോസ്റ്റിട്ട സന്തോഷ് വര്‍ക്കിയുടെ പുതിയ പോസ്റ്റാണ് ആളുകളെ ഞെട്ടിച്ചിരിക്കുന്നത്.
ഈ ജീവിതം അവസാനിപ്പിക്കാന്‍ പോകുന്നു എന്ന് കുറിച്ചുകൊണ്ടാണ് സന്തോഷ് വര്‍ക്കിയുടെ പുതിയ പോസ്റ്റ്.
ഇത്രയും മനുഷ്യത്വം ഇല്ലാത്ത ലോകത്ത് ഇനി ജീവിക്കേണ്ട, എന്റെ അച്ഛന്‍ വളരെ അധികം ഗുരുതര രോഗാവസ്ഥയില്‍ ഇരുന്നിട്ട് പോലും അച്ഛനെ കാണാന്‍ സഹോദരങ്ങള്‍ അനുവദിച്ചില്ലെന്നും നടി നിത്യാ മേനോനടക്കം തന്നെ അപമാനിച്ച എല്ലാവര്‍ക്കും തന്റെ മരണം സമര്‍പ്പിക്കുന്നു എന്നുമാണ് ഇദ്ദേഹം കുറിച്ചിരിക്കുന്നത്.
പോസ്റ്റിന് അടിയില്‍ നിരവധിപ്പേരാണ് കമന്റുകളുമായി എത്തുന്നത്. കടുംകൈ ഒന്നും ചെയ്യരുത് എന്നും ഒരു ഡോക്ടറെ കണ്ട് മാനസികമായ സംഘര്‍ഷങ്ങള്‍ക്ക് പരിഹാരം കാണൂ എന്നും ചിലര്‍ സന്തോഷ് വര്‍ക്കിയോട് ഉപദേശിക്കുന്നുണ്ട്.
കഴിഞ്ഞ ദിവസം നിത്യാ മേനോന്‍ തന്നെ അര്‍ഹിക്കുന്നില്ലെന്നും ഇനി പുറകെ വന്നാലും തനിക്ക് വേണ്ടെന്നും സന്തോഷ് പറഞ്ഞിരുന്നു.
