മമ്മൂട്ടിയുടെ തോളിലിരിക്കുന്ന ആ ചിത്രം നഗ്നത ആരോപിച്ച് ഇൻസ്റ്റാഗ്രാം നീക്കിയതിനെതിരേ മറുപടിയുമായി നടി സനുഷ.
ദാദാസാഹിബിലെ ചിത്രമാണ് നടി ഇൻസ്റ്റയിൽ പോസ്റ്റ് ചെയ്തത്. എന്നാൽ നഗ്നത ആരോപിച്ച് ആ ചിത്രം ഇൻസ്റ്റാഗ്രാം നീക്കം ചെയ്തു.
ഇതിന് പിന്നാലെ നഗ്നത മറച്ചുകൊണ്ട് അതേ ഫോട്ടോ തന്നെ പോസ്റ്റ് ചെയ്തിരിക്കുകയാണ് താരം.
‘എന്‍റെ ചെറുപ്പത്തിലെ NUDITY ഞാൻ മറച്ചിരിക്കുന്നു. ഇൻസ്റ്റഗ്രാമേ ഇനീം ഉണ്ടോ delete’ എന്ന് ചോദിച്ചുകൊണ്ടാണ് താരം പോസ്റ്റ് ചെയ്തിരിക്കുന്നത്. ‘ഇതൊരു competition ആക്കാൻ ആണ് എങ്കി അങ്ങനെ’ എന്നും നടി കുറിച്ചിട്ടുണ്ട്.
ദിവസങ്ങൾ മുൻപ് ബോഡി ഷെയിമിങിനെതിരെ നടി രംഗത്ത് എത്തിയിരുന്നു. തന്‍റെ ശരീരത്തിനെ കുറിച്ച് ആകുലപ്പെടുന്നവർക്ക് വേണ്ടിയിട്ടായിരുന്നു സനുഷയുടെ പോസ്റ്റ്..
രണ്ട് വിരലുകള്‍ ഒരാള്‍ക്ക് നേരെ ചൂണ്ടുമ്പോള്‍ മൂന്ന് വിരലുകള്‍ നിങ്ങള്‍ക്ക് നേരെയാണ് എന്ന് ആലോചിക്കാനാണ് സനൂഷ പറയുന്നത്.
നടിയുടെ വാക്കുകൾ ഇങ്ങനെ.. ഓ അതെ!! എന്‍റെ തടിയെക്കുറിച്ച്‌ പറയുന്ന എല്ലാവരോടും, എന്നെക്കാളധികം എന്‍റെ ശരീരഭാരത്തെക്കുറിച്ച്‌ ആകുലപ്പെടുന്നവരോട്…
പ്രിയപ്പെട്ടവരെ നിങ്ങള്‍ ജീവിക്കുന്നത് ശരീരഭാരം കുറയ്ക്കാനും സുന്ദരിയായി ഇരിക്കാനും വേണ്ടിമാത്രമല്ല.
1998 ൽ പുറത്തിറങ്ങിയ കല്ലുകൊണ്ടൊരു പെണ്ണ് എന്ന ചിത്രത്തിലൂടെയാണ് ബാലതാരമായി സനുഷ എത്തുന്നത്. ദിലീപ് ചിത്രമായ മിസ്റ്റർ മരുമകനിലൂടെയാണ് സനുഷ നായികയായി അരങ്ങേറ്റം കുറിക്കുന്നത്.
