ദുൽഖർ സൽമാൻ നായകനായി എത്തിയ സിഐഎയിലൂടെ അരങ്ങേറ്റം കുറിച്ച കാർത്തിക മുരളീധരൻ മമ്മൂട്ടിയുടെ നായികയാകുന്നു. നടൻ ജോയ് മാത്യു തിരക്കഥ രചിച്ച് നവാഗതനായ ഗിരീഷ് ദാമോദർ സംവിധാനം ചെയ്യുന്ന “അങ്കിൾ’ എന്ന ചിത്രത്തിലൂടെയാണ് കാർത്തിക മെഗാസ്റ്റാറിന്‍റെ നായികയായി എത്തുന്നത്.
കുടുംബപശ്ചാത്തലത്തിൽ ഒരുങ്ങുന്ന സിനിമയുടെ ചിത്രീകരണം ഉടൻ ആരംഭിക്കുമെന്നാണ് ലഭിക്കുന്ന റിപ്പോർട്ടുകൾ. ഇന്നത്തെ കേരളത്തിലെ സാമൂഹ്യ, രാഷ്ട്രീയ സംഭവങ്ങൾക്ക് ചിത്രത്തിൽ പ്രാധാന്യമുണ്ടാകും.
അജയ് വാസുദേവ് സംവിധാനം ചെയ്യുന്ന മാസ്റ്റർ പീസ്, തമിഴ് ചിത്രം പേരൻപ് എന്നീ ചിത്രങ്ങളാണ് മമ്മൂട്ടിയുടെ റിലീസിനൊരുങ്ങിയ സിനിമകൾ.
