ലണ്ടൻ: അഞ്ചു തവണ ജേതാവ് വീനസ് വില്ല്യംസ് വിംബിൾഡൻ ടെന്നീസിൽനിന്നു പുറത്ത്. മൂന്നാം റൗണ്ടിൽ വീനസിനെ കികി ബെർട്ടൻസ് പരാജയപ്പെടുത്തി. സ്കോർ: 6-2, 6-7(5-7),8-6.
അതേസമയം, സഹോദരി സെറീന വില്ല്യംസ് നാലാം റൗണ്ടിലേക്കു മുന്നേറി. ഫ്രാൻസിന്‍റെ ക്രിസ്റ്റീന മ്ലാഡനോവിച്ചിനെ പരാജയപ്പെടുത്തിയാണ് സെറീനയുടെ മുന്നേറ്റം. 23 തവണം ഗ്രാൻസ്ലാം കിരീടം നേടിയിട്ടുള്ള സെറീന 7-5, 7-6, (7-2) എന്ന സ്കോറിനാണ് മ്ലാഡനോവിച്ചിനെ വീഴ്ത്തിയത്.
പുരുഷവിഭാഗത്തിൽ ഗെയ്ൽ മോണ്ഫിൽസ് 5-7, 6-4, 6-4, 6-2ന് സാം ക്വറിയെ തോൽപ്പിച്ച് പ്രീക്വാർട്ടറിലെത്തി. ഡബിൾസിൽ രോഹൻ ബൊപ്പണ്ണ-എഡ്വേർഡ് റോജർ വെസ് ലിൻ സഖ്യം പുറത്തായി. 4-6, 6-7 (4-7), 2-1ന് പിന്നിൽനിൽക്കേ പരിക്കിനെത്തുർന്ന് മത്സരം പൂർത്തിയാക്കാതെയാണ് ഇന്തോ-ഫ്രഞ്ച് സഖ്യം പിൻമാറിയത്.
