ലണ്ടൻ: ആംഗലിക് കെർബറിനു വിംബിൾഡൺ ഫൈനലിൽ അമേരിക്കയുടെ സെറീന വില്യംസ് എതിരാളി. രണ്ടാം സെമിയിൽ സെറീന ജർമനിയുടെ ജുലിയ ജോർജസിനെ പരാജയപ്പെടുത്തിയാണ് ഫൈനലിൽ കടന്നത്. നേരിട്ടുള്ള സെറ്റുകൾക്ക് അനായാസമായിരുന്നു സെറീനയുടെ വിജയം. സ്കോർ: 6-3, 6-3.
2016 വിംബിൾഡൺ ഫൈനലിന്‍റെ തനിയാവർത്തനമാണ് ഇത്തവണ. അന്ന് കെർബറെ പരാജയപ്പെടുത്തിയാണ് സെറീന കിരീടം ചൂടിയത്. അമ്മയായ ശേഷ മുള്ള ആദ്യ ഗ്രാൻഡ് സ്ലാം ഫൈനലിനാണ് സെറീന തയാറെടുക്കുന്നത്.
