തീ​പി​ടി​ത്തം ഉ​ണ്ടാ​യ​ത് ഷോ​ർ​ട്ട് സ​ർ​ക്യൂ​ട്ട് മൂ​ലമോ? ​ സു​നി​ൽ​കു​മാ​ർ പറഞ്ഞത് സത്യമോ‍ ? പിന്നെ ഡമ്മി പരീക്ഷണം…

സീ​മ മോ​ഹ​ൻ​ലാ​ൽ

തീ​പി​ടി​ത്തം ഉ​ണ്ടാ​യ​ത് ഷോ​ർ​ട്ട് സ​ർ​ക്യൂ​ട്ട് മൂ​ല​മാ​കാ​മെ​ന്ന വി​ശ്വാ​സ​ത്തി​ൽ ഇ​ൻ​സ്പെ​ക്ട​ർ ശി​വ​കു​മാ​ർ കെ​എ​സ്ഇ​ബി ഉ​ദ്യോ​ഗ​സ്ഥ​രെ കൊ​ണ്ടു​വ​ന്നു പ​രി​ശോ​ധ​ന ന​ട​ത്തി അ​ങ്ങ​നെ​യ​ല്ലെ​ന്നു ക​ണ്ടെ​ത്തി.

തു​ട​ർ​ന്നു തീ​പി​ടി​ത്ത​ത്തെ​ക്കു​റി​ച്ച് പ​ഠി​ക്കാ​നാ​യി ജി​ല്ലാ ഫ​യ​ർ​ഫോ​ഴ്സ് ഓ​ഫീ​സ​റെ കൊ​ണ്ടു​വ​ന്നു. അ​ദ്ദേ​ഹ​ത്തി​നും ആ ​മു​റി​യി​ലെ തീ ​പി​ടി​ത്ത​ത്തി​ന്‍റെ രീ​തി​യി​ൽ സം​ശ​യ​മു​ണ്ടാ​യി​രു​ന്നു.

പ​ല​രു​ടെ​യും മൊ​ഴി​യി​ൽ വൈ​രു​ധ്യ​വും തോ​ന്നി. തു​ട​ർ​ന്നു കോ​ട്ട​യം മെ​ഡി​ക്ക​ൽ കോ​ള​ജി​ൽ പോ​സ്റ്റ്മോ​ർ​ട്ടം ന​ട​ത്തി​യ അ​സി​സ്റ്റ​ന്‍റ് ഫോ​റ​ൻ​സി​ക് സ​ർ​ജ​ൻ ഡോ. സ​ന്തോ​ഷ് ജോ​യി​യെ സം​ഭ​വ സ്ഥ​ല​ത്തു​ കൊ​ണ്ടു​വ​ന്നു.

ക​ട്ടി​ലി​ൽ​നി​ന്ന് വീ​ണാ​ൽത​ന്നെ വാ​രി​യെ​ല്ല് ഒ​ടി​യു​ന്ന​ത് ഉ​ൾ​പ്പെ​ടെ മ​ര​ണ​കാ​ര​ണ​ത്തി​ലേ​ക്കു​ള്ള പ​രി​ക്ക് ​വ​രാ​ൻ സാ​ധ്യ​ത കു​റ​വാ​ണെ​ന്ന് അ​ദ്ദേ​ഹം വ്യ​ക്ത​മാ​ക്കി. അ​തി​നു​ശേ​ഷം മൊ​ഴി ന​ൽ​കി​യ പ​ല​രെ​യും വീ​ണ്ടും ചോ​ദ്യം ചെ​യ്തു.

ഡമ്മി പരീക്ഷണം

ചോ​ദ്യം ചെ​യ്ത​വ​രു​ടെ കൂ​ട്ട​ത്തി​ൽ സരോജിനിയുടെ ബന്ധുവും സഹായിയുമായ സു​നി​ൽ കു​മാ​റു​മു​ണ്ടാ​യി​രു​ന്നു. ക​ത്തി​ക്കൊ​ണ്ടി​രു​ന്ന മു​റി​യി​ൽ നി​ന്ന് വൃ​ദ്ധ​യെ അ​ടു​ത്ത മു​റി​യി​ൽ എ​ത്തി​ച്ച​ത് താ​നാ​യി​രു​ന്നു​വെ​ന്നാ​ണ് സു​നി​ൽ​കു​മാ​ർ പോ​ലീ​സി​നോ​ട് പ​റ​ഞ്ഞ​ത്.

ഇ​തു സ​ത്യ​മാ​ണോ​യെ​ന്നു തിരിച്ചറിയാനുള്ള ശ്ര​മ​മാ​യി​രു​ന്നു ശി​വ​കു​മാ​ർ പി​ന്നീ​ട് ന​ട​ത്തി​യ​ത്. ഇ​തി​നാ​യി ഡ​മ്മി പ​രീ​ക്ഷ​ണം ന​ട​ത്തി.

തീ ​ക​ത്തിപ്പിടി​ക്കു​ന്പോ​ൾ ശ​രീ​ര​ത്തി​ൽ ഏ​തൊ​ക്കെ ഭാ​ഗ​ത്തു തീ ​പ​ട​രാ​മെ​ന്നു ക​ണ്ടെ​ത്തു​ന്ന​തി​നാ​യി​ട്ടാ​ണ് ഡ​മ്മി പ​രീ​ക്ഷ​ണ​ത്തി​ലൂ​ടെ ശ്ര​മി​ച്ച​ത്. അ​പ്പോ​ഴും പൊ​രു​ത്ത​ക്കേ​ടാ​യി​രു​ന്നു ഫ​ലം.

സ​രോ​ജി​നി​യു​ടെ മ​ര​ണ​ത്തി​ൽ മ​റ്റു​ള്ള​വ​രു​ടെ സാ​ന്നി​ധ്യം ഉ​ണ്ടോ​യെ​ന്ന് അ​റി​യാ​ൻ 1,000 പേ​രു​ടെ ഫോ​ണ്‍ വി​ളി​യു​ടെ വി​വ​ര​ങ്ങ​ൾ (സി​ഡി​ആ​ർ) ശേ​ഖ​രി​ച്ചു.

സം​ഭ​വ ദി​വ​സം രാ​ത്രി​യി​ൽ മു​ട്ടം പാ​ലം ഭാ​ഗ​ത്തെ ട​വ​ർ ലൊ​ക്കേ​ഷ​നി​ലൂ​ടെ (ട​വ​ർ ഡ​ബ്) ക​ട​ന്നു​പോ​യ മു​ഴു​വ​ൻ കോ​ളു​ക​ളും സൈ​ബ​ർ സെ​ല്ലി​ന്‍റെ സ​ഹാ​യ​ത്തോ​ടെ പ​രി​ശോ​ധി​ച്ചു. എ​ന്നാ​ൽ അ​തി​ൽ സം​ശ​യ​ക​ര​മാ​യ കോ​ളു​ക​ളൊ​ന്നും ഉ​ണ്ടാ​യി​ല്ല.

സ്വർണവും പണവും നഷ്ടമായില്ല

മു​റി​യി​ൽ ഗ്യാ​സ് ലീ​ക്ക് ചെ​യ്ത​തി​ന്‍റെ സാ​ന്നി​ധ്യം ഉ​ണ്ടാ​യ​തി​നാ​ൽ ഇ​ന്ത്യ​ൻ ഓ​യി​ൽ കോ​ർ​പ്പ​റേ​ഷ​നി​ലെ എ​ൻ​ജി​നീ​യ​റെ കൊ​ണ്ടു​വ​ന്നു ഗ്യാ​സ് പൊ​ട്ടി​ത്തെ​റി​ച്ച​താ​ണോ​യെ​ന്ന് അ​റി​യാ​നു​ള്ള പ​രി​ശോ​ധ​ന ന​ട​ത്തി.

പ​രി​ശോ​ധ​ന​യി​ൽ സി​ലി​ണ്ട​റി​ന് തീ​പി​ടി​ച്ചി​ട്ടു​ണ്ടെ​ങ്കി​ലും അ​ത് പു​റ​മേ നി​ന്നു​ണ്ടാ​യ തീ ​മൂ​ല​മാ​ണെ​ന്ന് ക​ണ്ടെ​ത്തി. കൂ​ടു​ത​ൽ സ്ഥി​രീ​ക​ര​ണ​ത്തി​നാ​യി സ​രോ​ജി​നി ഒ​രു മാ​സ​ത്തേ​ക്ക് ഉ​പ​യോ​ഗി​ക്കു​ന്ന സി​ലി​ണ്ട​റി​ന്‍റെ അ​ള​വ് പ​രി​ശോ​ധി​ച്ചു.

പു​തി​യ സി​ലി​ണ്ട​ർ വ​ച്ച​ത് ആ ​മാ​സം മൂ​ന്നാം തീ​യ​തി ആ​യി​രു​ന്നു. സം​ഭ​വ​ദി​വ​സം പു​ല​ർ​ച്ചെ മു​ത​ൽ പോ​ലീ​സ് വ​രു​ന്ന​തു​വ​രെ ചോ​ർ​ച്ച ഉ​ണ്ടാ​യാ​ൽ എ​ത്ര അ​ള​വ് പാ​ച​ക​വാ​ത​കം ചോ​രാ​മെ​ന്നു​ള്ള ക​ണ​ക്കെ​ടു​ത്തു.

വ​ള​രെ കു​റ​ഞ്ഞ അ​ള​വി​ൽ മാ​ത്ര​മാ​ണ് ഗ്യാ​സ് ലീ​ക്ക് ചെ​യ്തി​ട്ടു​ള്ള​തെ​ന്നു ക​ണ്ടെ​ത്തി. ഇ​തോ​ടെ സ​രോ​ജ​നി​യു​ടേ​ത് കൊ​ല​പാ​ത​ക​മാ​ണെ​ന്ന നി​ഗ​മ​ന​ത്തി​ലേ​ക്ക് ശി​വ​കു​മാ​റും സം​ഘ​വും എ​ത്തി. എ​ന്നാ​ൽ അ​വ​രു​ടെ വീ​ട്ടി​ൽ സൂ​ക്ഷി​ച്ചി​രു​ന്ന സ്വ​ർ​ണ​വും പ​ണ​വും ന​ഷ്ട​പ്പെ​ട്ടി​ട്ടി​ല്ലാ​യി​രു​ന്നു.

മൂ​ന്ന​ര​ക്കോ​ടി​യു​ടെ സ്വ​ത്ത്

സ​രോ​ജി​നി താ​മ​സി​ച്ചി​രു​ന്ന മൂ​ന്നേ​ക്ക​ർ സ്ഥ​ല​ത്ത് പ​രി​ശോ​ധ​ന ന​ട​ത്താ​നാ​യി 25 പോ​ലീ​സ് ഉ​ദ്യോ​ഗ​സ്ഥ​രെ നി​യോ​ഗി​ച്ചു. തു​ട​ർ​ന്ന് സ​രോ​ജി​നി​യു​ടെ വ​സ്തു​വ​ക​ക​ളെ കേ​ന്ദ്രീ​ക​രി​ച്ചു​ള്ള അ​ന്വേ​ഷ​ണ​മാ​യി​രു​ന്നു ന​ട​ത്തി​യ​ത്.

ആ ​അ​ന്വേ​ഷ​ണ​ത്തി​ൽ നി​ർ​ണാ​യ​ക​മാ​യ ഒ​രു വി​വ​രം പോ​ലീ​സി​നു ല​ഭി​ച്ചു. മൂ​ന്ന​ര​ കോ​ടി രൂ​പ വി​ല​വ​രു​ന്ന ഇ​വ​രു​ടെ സ്വ​ത്തു​ക്ക​ൾ ഒ​രു വ​ർ​ഷം മു​ന്പ് ബ​ന്ധു​ക്ക​ളാ​യ ഒ​ന്പ​തു പേ​ർ​ക്കും കു​റ​ച്ച് സ്വ​ത്ത് എ​സ്എ​ൻ​ഡി​പി​ക്കും വി​ൽ​പ​ത്രം എ​ഴു​തി​വ​ച്ചി​രു​ന്ന​താ​യി ക​ണ്ടെ​ത്തി.

സ​രോ​ജി​നി​യു​ടെ മ​ര​ണ​ശേ​ഷം ഇ​ത് വീ​തം​വ​യ്ക്കാ​മെ​ന്നാ​യി​രു​ന്നു അ​തി​ൽ ഉ​ണ്ടാ​യി​രു​ന്ന​ത്. ഈ ​ബ​ന്ധു​ക്ക​ളി​ൽ ആ​ർ​ക്കെ​ങ്കി​ലും സാ​ന്പ​ത്തി​ക ബു​ദ്ധി​മു​ട്ട് ഉ​ണ്ടോ​യെ​ന്നാ​ണ് പോ​ലീ​സ് പി​ന്നീ​ട് പ​രി​ശോ​ധി​ച്ച​ത്.

ഒ​ന്പ​തു പേ​രി​ൽ​നി​ന്ന് മൂ​ന്നു പേ​രു​ടെ വി​വ​ര​ങ്ങ​ൾ ശേ​ഖ​രി​ച്ചു. ഇ​വ​രു​ടെ ഫോ​ണ്‍​കോ​ൾ വി​വ​ര​ങ്ങ​ളും ച​ല​ന​ങ്ങ​ളും പോ​ലീ​സ് ര​ഹ​സ്യ​മാ​യി നി​രീ​ക്ഷി​ച്ചു. അ​തി​ൽ ഒ​രാ​ൾ സു​നി​ൽ​കു​മാ​ർ ആ​യി​രു​ന്നു.

അ​ന്വേ​ഷ​ണം സു​നി​ൽ​കു​മാ​റി​ലേ​ക്ക്

സു​നി​ൽ​കു​മാ​ർ വാ​ട​ക വീ​ട്ടി​ലാ​യി​രു​ന്നു താ​മ​സി​ച്ചി​രു​ന്ന​ത്. പോ​ലീ​സ് ഇ​യാ​ളു​ടെ നീ​ക്ക​ങ്ങ​ൾ സ​സൂ​ക്ഷ്മം നി​രീ​ക്ഷി​ച്ചു. അ​തി​ൽ​ നി​ന്നും ഇ​യാ​ൾ തൊ​ടു​പു​ഴ​യി​ലെ ഒ​രു കൗ​ണ്‍​സ​ല​റു​ടെ അ​ടു​ത്ത് കൗ​ണ്‍​സ​ലിം​ഗി​നു പോ​യ​താ​യി ക​ണ്ടെ​ത്തി.

പോ​ലീ​സ് സം​ഘം കൗ​ണ്‍​സ​ല​റെ ക​ണ്ടു കാ​ര്യ​ങ്ങ​ൾ ധ​രി​പ്പി​ച്ചു. സം​സാ​ര​ത്തി​ൽ ഇ​യാ​ൾ​ക്ക് പ​രി​ഭ്ര​മം വ​ല്ല​തും ഉ​ണ്ടോ​യെ​ന്ന് അ​റി​യാ​നാ​യി​രു​ന്നു ഇ​ത്.

പി​ന്നീ​ട് ര​ണ്ടു ത​വ​ണ സു​നി​ൽ​കു​മാ​ർ കൗ​ണ്‍​സ​ലിം​ഗി​നാ​യി എ​ത്തി​യ​പ്പോ​ൾ കൗ​ണ്‍​സ​ല​ർ ഇ​യാ​ളി​ൽ​നി​ന്ന് വി​ദ​ഗ്ധ​മാ​യി വി​വ​ര​ങ്ങ​ൾ ശേ​ഖ​രി​ക്കാ​ൻ ശ്ര​മി​ച്ചു.

എ​ങ്കി​ലും അ​യാ​ൾ പി​ടി​കൊ​ടു​ത്തി​ല്ല. പി​ന്നീ​ട് അ​യാ​ൾ അ​വി​ടേ​ക്ക് എ​ത്തി​യി​ല്ല. ഇ​തി​നി​ട​യി​ൽ പ​ല ത​വ​ണ സു​നി​ൽ​കു​മാ​റി​നെ പോ​ലീ​സ് ചോ​ദ്യം ചെ​യ്തു​വെ​ങ്കി​ലും പ​ല കാ​ര്യ​ങ്ങ​ളും പ​ര​സ്പ​ര​വി​രു​ദ്ധ​മാ​യി സം​സാ​രി​ച്ചു.

ചി​റ്റ ഷോ​ർ​ട് സ​ർ​ക്യൂ​ട്ടു​മൂ​ലം മ​രി​ച്ചു​വെ​ന്ന് ആ​ദ്യം പ​റ​ഞ്ഞെ​ങ്കി​ലും പി​ന്നീ​ട് ഗ്യാ​സ് പൊ​ട്ടി​ത്തെ​റി​ച്ചു​വെ​ന്നാ​ക്കി.

ഇ​യാ​ളു​ടെ ഫോ​ണ്‍ കോ​ളു​ക​ൾ പ​രി​ശോ​ധി​ച്ച​തി​ൽ നി​ന്ന് ഒ​രു ഹൈ​ക്കോ​ട​തി അ​ഭി​ഭാ​ഷ​ക​നെ ഇ​യാ​ൾ സ​മീ​പി​ച്ച​താ​യി ക​ണ്ടെ​ത്തി. പോ​ലീ​സ് സം​ഘം അ​ഭി​ഭാ​ഷ​ക​നെ ക​ണ്ടെ​ത്തി വി​വ​ര​ങ്ങ​ൾ ശേ​ഖ​രി​ച്ചു.

പോ​ലീ​സ് ത​ന്നെ ചോ​ദ്യം ചെ​യ്യു​ന്നു​ണ്ടെ​ന്നും അ​തി​നു​ള്ള മു​ൻ ക​രു​ത​ൽ എ​ന്താ​ണെ​ന്നും അ​റി​യാ​നാ​യി​രു​ന്നു സു​നി​ൽ​കു​മാ​ർ അ​ഭി​ഭാ​ഷ​ക​ന്‍റെ അ​ടു​ത്ത് എ​ത്തി​യ​ത്.

അ​തി​നു​ശേ​ഷം സു​നി​ൽ​കു​മാ​റി​നെ സ്റ്റേ​ഷ​നി​ൽ ചോ​ദ്യം ചെ​യ്യാ​ൻ വി​ളി​പ്പി​ച്ച​പ്പോ​ൾ ഇ​യാ​ൾ ത​ല​യ​ടി​ച്ച് ബോ​ധ​ര​ഹി​ത​നാ​യി നി​ല​ത്തു​വീ​ണു.

ഇതേത്തുടർന്ന് പോ​ലീ​സ് ചെ​ല​വി​ൽ ആ​ശു​പ​ത്രി​യി​ൽ എ​ത്തി​ച്ചു ചി​കി​ത്സ ന​ൽ​കി. പി​ന്നീ​ട് മൂ​ന്നാ​ഴ്ച​ത്തേ​ക്ക് ഇ​യാ​ളെ ചോ​ദ്യം ചെ​യ്യാ​നാ​യി വി​ളി​പ്പി​ച്ചി​ല്ല. എ​ന്നാ​ൽ ഇ​യാ​ളു​ടെ ഓ​രോ നീ​ക്ക​വും പോ​ലീ​സ് സ​സൂ​ക്ഷ്മം നി​രീ​ക്ഷി​ക്കു​ന്നു​ണ്ടാ​യി​രു​ന്നു.

(തുടരും)

മു​ട്ട​ത്തെ ഞെട്ടിച്ച കൊ​ല​പാ​തകം! അ​വി​ടെ ക​ണ്ട​ത് തു​റ​ന്നു കി​ട​ക്കു​ന്ന മു​റി​യി​ൽ കാ​ണു​ന്ന രീ​തി​യി​ലു​ള്ള തീ​പി​ടി​ത്ത​മാ​യി​രു​ന്നി​ല്ല…

തീ​പി​ടി​ത്തം ഉ​ണ്ടാ​യ​ത് ഷോ​ർ​ട്ട് സ​ർ​ക്യൂ​ട്ട് മൂ​ലമോ? ​ സു​നി​ൽ​കു​മാ​ർ പറഞ്ഞത് സത്യമോ‍ ? പിന്നെ ഡമ്മി പരീക്ഷണം…