ബോർഡ് പിഴുതെറിഞ്ഞാലും ഈ നഗർ ശശി നഗർ തന്നെ…! വൈ​ക​ല്യ​ത്തെ തോ​ൽ​പ്പി​ച്ച് ശ​ശി റോഡ് ഉണ്ടാക്കിയത് മൂന്ന് വർഷം കൊണ്ട്; കഠിനാധ്വാനത്തിന് നാട്ടുകാർ ഇട്ട പേരാണ് ശശി നഗർ…

കാ​ട്ടാ​ക്ക​ട : ശാ​രീ​രി​ക വൈ​ക​ല്യ​ത്തെ തോ​ൽ​പ്പി​ച്ച് ശ​ശി വെ​ട്ടി​യ റോ​ഡി​ൽ നാ​ട്ടു​കാ​ർ സ്ഥാ​പി​ച്ച ബോ​ർ​ഡ് പി​ഴു​തെ​റി​ഞ്ഞ നി​ല​യി​ൽ. ബോ​ർ​ഡ് പി​ഴു​തെ​റി​ഞ്ഞാ​ലും ശ​ശി ന​ഗ​ർ ശ​ശി​ന​ഗ​ർ ത​ന്നെ​യെ​ന്ന് നാ​ട്ടു​കാ​ർ.

അ​മ്പ​ത​ടി ഉ​യ​രമു​ള്ള ഒ​രു കു​ന്ന് ഇ​ടി​ച്ചു താ​ഴ്ത്തി മ​ൺ​പാ​ത നി​ർ​മി​ച്ച ശ​ശി ഒ​റ്റ​യാ​ൾ പോ​രാ​ട്ടത്തിലൂെടയാണ് വഴി വെട്ടിയത്.

മൂ​ന്നു വ​ർ​ഷ​ത്തെ ക​ഠി​നാ​ധ്വാ​ന​ത്തി​ലൂ​ടെ​യാ​ണ് ഒ​രു കാ​ലി​നും കൈയ്​ക്കും ച​ല​ന ശേ​ഷി​യി​ല്ലാത്ത വി​ള​പ്പി​ൽ​ശാ​ല കീ​ഴ​തു​ന​ട തെ​ങ്ങി​ൻ​തോ​ട്ട​ത്തി​ൽ ശ​ശി ഒ​റ്റ​യ്ക്ക് റോ​ഡ് വെ​ട്ടി​യ​ത്.

അ​ൻ​പ​ത​ടി ഉ​യ​ര​മു​ള്ള കു​ന്നി​ടി​ച്ച് റോ​ഡ് വെ​ട്ടി​യ​തി​നാ​ണ് നാ​ട്ടു​കാ​ർ ആ​ദ​ര​വാ​യി ശ​ശി​ന​ഗ​ർ’ എ​ന്ന ബോ​ർ​ഡ് സ്ഥാ​പി​ച്ച​ത്.
മ​ൺ​വെ​ട്ടി​യും പി​ക്കാ​സും ഒ​റ്റ​കൈയിൽ തി​രു​കി ഇ​ഴ​ഞ്ഞി​ഴ​ഞ്ഞ് മൂ​ന്നു വ​ർ​ഷം ആ​രു​ടെ​യും സ​ഹാ​യ​മി​ല്ലാ​തെ പ​ണി​യെ​ടു​ത്താ​ണ് കു​ന്നി​ൻ മു​ക​ളി​ലേ​യ്ക്കു​ള്ള ഊ​ടു​വ​ഴി​യെ വീ​തി​യു​ള്ള റോ​ഡാ​ക്കി മാ​റ്റി​യ​ത്.

അ​ന്ന് ആ​രും സ​ഹാ​യി​ക്കാ​നെ​ത്തി​യി​ല്ല. കു​ന്നി​ൽ​മു​ക​ളി​ലേ​ക്ക് ഒ​രു ചാ​ൺ വീ​തി​യു​ള്ള ഊ​ടു​വ​ഴി​യി​ലൂ​ടെ യാ​ത്ര ചെ​യ്തി​രു​ന്ന​വ​ർ​ക്ക് വീ​തി​യേ​റി​യ മ​ൺ​പാ​ത കി​ട്ടി​യ​പ്പോ​ൾ ശ​ശി​യെ അ​ഭി​നന്ദി​ച്ചെ​ത്തി​യ​ത് നാ​ടൊ​ന്ന​ട​ങ്കം.

വി​ള​പ്പി​ൽ​ശാ​ല കീ​ഴ​തു​ന​ട തെ​ങ്ങി​ൻ തോ​ട്ട​ത്തു​കാ​ർ ഈ ​റോ​ഡി​ന് ശ​ശി​യു​ടെ പേ​ര് ന​ൽ​കി. ഇ​ന്ന് ആ ബോർഡ് ആ​രോ ത​ക​ർ​ത്തെ​റി​ഞ്ഞ​തിലുള്ള വി​ഷ​മ​വും ശ​ശി പ​ങ്കുവ​ച്ചു.

2013 മു​ത​ൽ 2016വ​രെ​യാ​ണ് ഈ ​അ​ധ്വാ​നം. 200 അ​ടി നീ​ള​വും ആ​റ് അ​ടി വീ​തി​യു​മു​ള്ള റോ​ഡ് മൂ​ന്നു വ​ർ​ഷം മു​ൻ​പ് ഐ.​ബി.സ​തീ​ഷ് എംഎ​ൽഎ ഫ​ണ്ടു​പ​യോ​ഗി​ച്ച് കോ​ൺ​ക്രീ​റ്റ് ചെ​യ്ത് മ​നോ​ഹ​ര​മാ​ക്കി.

അ​വി​ടെ സ്ഥാ​പി​ച്ചി​രു​ന്ന ബോ​ർ​ഡാ​ണ് സ​മൂ​ഹ​വി​രു​ദ്ധ​ർ പി​ഴു​തെ​റി​ഞ്ഞ​ത്. ബോ​ർ​ഡ് ന​ശി​പ്പി​ച്ച​വ​ർ​ക്കെ​തി​രെ ന​ട​പ​ടി വേ​ണ​മെ​ന്നാ​വ​ശ്യ​പ്പെ​ട്ട് ന​ൽ​കി​യ പ​രാ​തി​യി​ൽ കു​റ്റ​ക്കാ​രെ ക​ണ്ടെ​ത്തു​മെ​ന്ന് വി​ള​പ്പി​ൽ​ശാ​ല പോലീസ് സ്റ്റേ​ഷ​ൻ ഇ​ൻ​സ്‌​പെ​ക്‌ടർ സു​രേ​ഷ്‌​കു​മാ​ർ പ​റ​ഞ്ഞു.