ചെന്നൈ: അനധികൃത സ്വത്ത് സന്പാദനക്കേസിൽ ജയിലിൽക്കഴിയുന്ന അണ്ണാ ഡിഎംകെ അധ്യക്ഷ വി.കെ. ശശികല പരോളിന് അപേക്ഷ നൽകി. കരൾരോഗത്തെത്തുടർന്ന് ആശുപത്രിയിൽ കഴിയുന്ന ഭർത്താവ് എം.നടരാജനെ പരിചരിക്കുന്നതിനു 15 ദിവസത്തെ പരോളിനാണ് അപേക്ഷിച്ചിരിക്കുന്നതെന്നു മരുമകനും അണ്ണാ ഡിഎംകെ വിമത നേതാവുമായ ടി.ടി.വി ദിനകരൻ അറിയിച്ചു. പരോളിന് അപേക്ഷ നൽകിയെന്നും തീരുമാനമെടുക്കേണ്ടത് കർണാടക ജയിൽവകുപ്പാണെന്നും അദ്ദേഹം പറഞ്ഞു.
ചെന്നൈയിലെ ആശുപത്രിയിൽ കഴിയുന്ന നടരാജന്‍റെ ആരോഗ്യനില തൃപ്തികരമാണ്. കരൾ മാറ്റിവയ്ക്കൽ ശസ്ത്രക്രിയയ്ക്കു വിധേയനാകാനിരിക്കുകയാണു നടരാജൻ. ബംഗളുരൂവിലെ പരപ്പന അഗ്രഹാര ജയിലിലാണു ശശികല ശിക്ഷ അനുഭവിക്കുന്നത്.
