മധുര: അണ്ണാ ഡിഎംകെ മുൻ നേതാവ് വി.കെ. ശശികല ഞായറാഴ്ച ചെന്നൈയിലെത്തുമെന്ന് അമ്മ മക്കൾ മുന്നേറ്റ കഴകം (എഎംഎംകെ) ജനറൽ സെക്രട്ടറി ടി.ടി.വി. ദിനകരൻ.
അണ്ണാ ഡിഎംകെയുടെ തലപ്പത്തേക്കു തിരിച്ചെത്താനുള്ള നിയമനടപടികൾക്ക് അവർ തുടക്കംകുറിക്കുമെന്നും ശശികലയുടെ സഹോദരീപുത്രനും ചെന്നൈ ആർകെ നഗർ എംഎൽഎയുമായ ദിനകരൻ പറഞ്ഞു.
അനധികൃത സ്വത്തുസന്പാദനക്കേസിൽ ശിക്ഷാകാലാവധി പൂർത്തിയാക്കി ശശികല തിരിച്ചെത്തുന്നത് തമിഴ്നാട് രാഷ്‌ട്രീയത്തിൽ പുതിയ സമവാക്യങ്ങൾക്കു തുടക്കംകുറിക്കുമെന്നാണു കരുതുന്നത്.
ചെന്നൈയിലേക്കുള്ള മടങ്ങിവരവ് ആഘോഷമാക്കാൻ ശശികലയുടെ ആരാധകർ ശ്രമം തുടങ്ങിക്കഴിഞ്ഞു. തമിഴ്നാട്-കർണാടക അതിർത്തിയിലെ ഹൊസൂരിൽനിന്ന് പാർട്ടി പ്രവർത്തകരുടെ അകന്പടിയോടെ ശശികലയെ ചെന്നൈയിലെത്തിക്കും.
