ആലപ്പുഴ: ശാസ്ത്രലോകത്തിന് ഭാവിപ്രതീക്ഷ നല്‍കി ആലപ്പുഴയില്‍ നടന്ന 56 -മത് സംസ്ഥാന സ്‌കൂള്‍ ശാസ്ത്രമേള സമാപിച്ചു. മലപ്പുറത്തിനാണ് ഓവറോള്‍ കിരീടം. 1450 പോയിന്‍റോടെ ശാസ്ത്രമേളയുടെ തുടക്കം മുതല്‍ ഒന്നാമതായിരുന്ന മലപ്പുറം വ്യക്തമായ ആധിപത്യത്തോടെ ഓവറോള്‍ ചാമ്പ്യന്മാരായി.
1412 പോയിന്‍റുമായി കണ്ണൂര്‍ ജില്ല രണ്ടാം സ്ഥാനവും 1353 പോയിന്‍റുമായി കോഴിക്കോട് മൂന്നാം സ്ഥാനവും സ്വന്തമാക്കി. സ്‌കൂള്‍ തലത്തില്‍ കാസര്‍ഗോഡ് ജില്ലയിലെ കാഞ്ഞങ്ങാട് ദുര്‍ഗ എച്ച്എസ്എസ് 140 പോയിന്‍റുമായി ഓവറോള്‍ ചാമ്പ്യന്മാരായി.
വയനാട് ദ്വാരക സേക്രഡ് ഹാര്‍ട്ട് എച്ച്എസ്എസ് 131 പോയിന്‍റുമായി രണ്ടാം സ്ഥാനവും 126 പോയിന്‍റുമായി ഇടുക്കി കൂമ്പന്‍പാറ എഫ് എം ജി എച്ച് എസ് എസ് മൂന്നാം സ്ഥാനവും സ്വന്തമാക്കി.
വൊക്കേഷണല്‍ എക്സ്പോയില്‍ മേഖലാതലത്തില്‍ നടന്ന മല്‍സരത്തില്‍ 67 പോയിന്‍റോടെ തൃശൂര്‍ മേഖല ഓവറോള്‍ ചാമ്പ്യന്മാരായി. 66 പോയിന്‍റ് നേടി കൊല്ലം രണ്ടാം സ്ഥാനവും 60 പോയിന്‍റ് നേടി എറണാകുളം മൂന്നാം സ്ഥാനവും കരസ്ഥമാക്കി.
