കോട്ടയം: സോഷ്യൽ മിഡിയയിൽ വൈറലായി വിവാഹത്തിന്‍റെ സേവ് ദി ഡേറ്റ് ഫോട്ടോ. പാലാ ചേർപ്പുങ്കൽ പതിപ്ലാക്കൽ ടോമിന്‍റെ വിവാഹ ക്ഷണക്കത്തായി സോഷ്യൽ മീഡിയയിൽ പോസ്റ്റ് ചെയ്ത സേവ് ദി ഡേറ്റ് ഫോട്ടോയാണ് സോഷ്യൽ മീഡിയയിൽ ശ്രദ്ധ നേടുന്നത്. ഫോട്ടോയിലെ ഹ്യൂമറാണ് താരം.
വിവാഹത്തിന് വിസമ്മതിച്ച യുവാവിനെയും യുവതിയെയും വീട്ടുകാർ ഓടിച്ചിട്ടു കെട്ടിക്കാൻ തീരുമാനിച്ചു…. എന്ന അടിക്കുറിപ്പോടെയാണ് ഫോട്ടോ പോസ്റ്റ് ചെയ്തിരിക്കുന്നത്.
വധുവരന്മാരെ മാതാപിതാക്കളും സഹോദരങ്ങളും അടങ്ങുന്ന സംഘം വടിയും കമ്പുമായി ഓടിക്കുന്നതാണ് ഫോട്ടോയിലുള്ളത്. ഇന്നു ചേർപ്പുങ്കൽ സെന്‍റ് പീറ്റേഴ്സ് ആൻസ് സെന്‍റ് പോൾസ് ക്നാനായ കത്തോലിക്ക പള്ളി യിലാണ് ടോമിന്‍റെയും അഞ്ജുവിന്‍റെയും വിവാഹം.
