പ്രീവെഡിംഗ് ഫോട്ടോഷൂട്ടുകള്‍ ട്രെന്‍റായി മാറിയ കാലമാണ് ഇത്. വൈറല്‍ ഫോട്ടോകള്‍ക്കായി പല ആശയങ്ങളും ഫോട്ടോഗ്രാഫര്‍മാര്‍ കൊണ്ടുവരാറുണ്ട്. എന്നാല്‍ അപ്രതീക്ഷിതമായി ഷൂട്ടിനിടെ എത്തിയ ഒരു അഥിതിയാണ് ഫോട്ടോഷൂട്ടിലെ താരം.
ഒരു അരുവിയുടെ നടുവിലായി നടത്തിയ ഫോട്ടോഷൂട്ടിലേക്കാണ് ഗസ്റ്റ് റോളില്‍ പാമ്പ് എത്തിയത്. പാമ്പിനെകണ്ട പങ്കാളികളുടെ പ്രതികരണമാണ് സമൂഹമാധ്യമങ്ങളില്‍ വൈറലാകുന്നത്.
കാമറാമാന്‍മാരില്‍ ഒരാളാണ് പാമ്പിനെ കണ്ടെത്തിയത്. പാമ്പിനെക്കണ്ട് പെണ്‍കുട്ടി ഭയന്നെങ്കിലും പങ്കാളി ആശ്വസിപ്പിച്ച് പാമ്പിനെ ശല്യം ചെയ്യാതെ ഷൂട്ട് തുടര്‍ന്നു. പാമ്പാകട്ടെ ഷൂട്ട് തടസപ്പെടുത്തേണ്ട എന്നുവച്ച് ഇവര്‍ക്കിടയിലൂടെ ഒരു ശല്യത്തിനും നില്‍ക്കാതെ കടന്നുപോകുകയും ചെയ്തു.
ഫോട്ടേഗ്രാഫര്‍മാരാണ് ഷൂട്ട് കാണാനെത്തിയ അതിഥിയുടെ ദൃശ്യങ്ങള്‍ സമൂഹമാധ്യമങ്ങളില്‍ പങ്കുവച്ചത്. കാണികള്‍ ഏറ്റെടുത്ത വീഡിയോയ്ക്ക് താഴെ നിരവധി രസകരമായ കമന്‍റുകളാണ് വരുന്നത്. വീഡിയോ കാണാൻ ഇവിടെ ക്ലിക് ചെയ്യുക.
