കോട്ടയം: ഹോർട്ടികോർപ്പിൽ സവോളയ്ക്കു വില കുതിച്ചുയർന്നു.
ഒരു കിലോ സവോള കോട്ടയം മാർക്കറ്റിൽ 30 രൂപയ്ക്കു ലഭിക്കുന്പോൾ സർക്കാരിന്‍റെ ഹോർട്ടികോർപ്പിൽ 48.50 രൂപയാണ് ഈടാക്കുന്നത്.
കോട്ടയം മാർക്കറ്റിൽ മികച്ചയിനം സവോള കിലോയ്ക്കു 30 രൂപയ്ക്ക് ഇന്നലെ ലഭ്യമാ യിരുന്നു. രണ്ടാം ഗ്രേഡ് സവോള രണ്ടു കിലോ 50 രൂപയ്ക്കാണ് ലഭിക്കുന്നത്.
പ്രതികൂല കാലാവസ്ഥയെ തുടർന്നു മഹാരാഷ്ട്രയിൽ ഇന്നലെയാണ് സവോളയ്ക്കു വില വർധിച്ചത്.
ഈ സാഹചര്യത്തിൽ ഇന്നലെത്തന്നെ ഹോർട്ടി കോർപ്പിൽ വില വൻതോതിൽ വർധിപ്പിച്ചതു സ്വകാര്യ ലോബിയെ സഹായിക്കാനാണെന്ന് ആരോപണവും ഉയർന്നിട്ടുണ്ട്.
മഹാരാഷ്ട്രയിൽ വില വർധിച്ച സവോള ദിവസങ്ങൾക്കു ശേഷം മാത്രമേ കേരളത്തിൽ എത്തുകയുള്ളു.
