നടി ഭാവന ഉള്‍പ്പെടെയുള്ള സുഹൃത്തുക്കളോടൊപ്പം നൃത്തം ചെയ്യുന്ന ഒരു വീഡിയോ ഗായിക സയനോര ഫിലിപ്പ് കഴിഞ്ഞ ദിവസം സോഷ്യല്‍ മീഡിയയില്‍ പങ്കുവെച്ചിരുന്നു.
രമ്യ നമ്പീശൻ, ശിൽപ ബാല, മൃദുല മുരളി എന്നിവർക്കൊപ്പമുള്ള ഡാൻസായിരുന്നു ഇത്. നടി ഷഫ്നയാണ് വീഡിയോ ഷൂട്ട് ചെയ്തത്.
എന്നാൽ ഇതിനെതിരെ ചിലര്‍ ബോഡി ഷെയ്മിങ്ങ് കമന്‍റുകളുമായി രംഗത്ത് വന്നിരുന്നു.
സയനോരയുടെയും മൃദുല മുരളിയുടെയും വസ്ത്രധാരണത്തിനെതിരെ ബോഡി ഷെയ്മിംഗ് കമന്‍റുകളുമായി ചിലർ സയനോരയുടെ പോസ്റ്റിന് താഴെ എത്തിയിരുന്നു.
ഇപ്പോഴിത ഈ കമന്‍രുകള്‍ക്കെതിരെ പ്രതികരിച്ച് രംഗത്തെത്തിയിരിക്കുകയാണ് സയനോര.
വീഡിയോയിലെ അതേ വസ്ത്രം ധരിച്ചിരിക്കുന്ന തന്‍റെ ചിത്രമാണ് സയനോര പോസ്റ്റ് ചെയ്തിരിക്കുന്നത്.
അതിനു താഴെയായി എന്‍റെ ജീവിതം, എന്‍റെ ശരീരം, എന്‍റെ വഴി എന്നീ വാക്കുകള്‍ ഇംഗ്ലീഷില്‍ ഹാഷ് ടാഗ് ആയി പങ്കുവയ്ക്കുകയും ചെയ്തിട്ടുണ്ട്.
സയനോരയുടെ പുതിയ പോസ്റ്റിന് അഭിനന്ദനവുമായി റിമ കല്ലിങ്കല്‍, രമ്യ നമ്പീശന്‍, റിമി ടോമി, രഞ്ജിനി ജോസ്, ദിവ്യ പ്രഭ തുടങ്ങിയവരൊക്കെ എത്തിയിട്ടുണ്ട്.
‘താല്‍’ എന്ന സിനിമയിലെ കഹിൻ ആഗ് ലഗേ എന്ന പാട്ടിനൊത്താണ് അഞ്ചു പേരും നൃത്തം ചെയ്തത്.
