വി​ദ്യാ​ർ​ഥി​ക​ളു​ടെ ഉ​ച്ച​ഭ​ക്ഷ​ണം സ​മൂ​ഹ അ​ടു​ക്ക​ള​യി​ലേ​ക്ക്! സ്കൂ​ളു​ക​ളി​ലെ പാ​ച​ക​ക്കാ​ർ​ക്ക് പ​ണി ന​ഷ്ട​പ്പെ​ടും

ക​ണ്ണൂ​ര്‍: സം​സ്ഥാ​ന​ത്ത് മു​ഴു​വ​ൻ ജി​ല്ല​ക​ളി​ലും പ​ഞ്ചാ​യ​ത്ത് അ​ടി​സ്ഥാ​ന​ത്തി​ൽ സ​മൂ​ഹ അ​ടു​ക്ക​ള​ക​ൾ തു​റ​ന്ന് സ്കൂ​ളു​ക​ളി​ൽ ഉ​ച്ച​ഭ​ക്ഷ​ണം പാ​കം ചെ​യ്യു​ന്ന​ത് നി​ർ​ത്ത​ലാ​ക്കാ​ൻ നീ​ക്കം.

സ​മൂ​ഹ അ​ടു​ക്ക​ള​ക​ളി​ൽ​നി​ന്ന് സ്കൂ​ളു​ക​ളി​ലേ​ക്കു​ള്ള ഉ​ച്ച​ഭ​ക്ഷ​ണം ത​യാ​റാ​ക്കി വി​ത​ര​ണം ന​ട​ത്തു​ന്ന രീ​തി​യി​ൽ ക്ര​മീ​ക​ര​ണ​മേ​ർ​പ്പെ​ടു​ത്താ​നാ​ണ് ധാ​ര​ണ.

പു​തി​യ പ​ദ്ധ​തി സം​സ്ഥാ​ന​ത്തെ ആ​യി​ര​ക്ക​ണ​ക്കി​ന് സ്കൂ​ൾ പാ​ച​ക​തൊ​ഴി​ലാ​ളി​ക​ളു​ടെ തൊ​ഴി​ൽ ന​ഷ്ട​പ്പെ​ടു​ത്തും. സ​മൂ​ഹ അ​ടു​ക്ക​ള ന​ട​ത്തി​പ്പ് കു​ടും​ബ​ശ്രീ​ക്കോ ഗ്രൂ​പ്പു​ക​ൾ​ക്കോ ന​ൽ​കാ​മെ​ന്നാ​ണ് പ്രാ​ഥ​മി​ക ധാ​ര​ണ.

ഒ​രു പ​ഞ്ചാ​യ​ത്തി​ലെ വി​ദ്യാ​ല​യ​ങ്ങ​ളി​ലേ​ക്കു​ത​ന്നെ വ​ലി​യ​തോ​തി​ൽ ഭ​ക്ഷ​ണം പാ​ച​കം ചെ​യ്ത് എ​ത്തി​ക്കേ​ണ്ട​തി​നാ​ൽ ഇ​ത്എ​ത്ര​ത്തോ​ളം ഫ​ല​പ്ര​ദ​മാ​കു​മെ​ന്ന കാ​ര്യ​ത്തി​ലും ആ​ശ​ങ്ക​യു​ണ്ട്.

നി​ല​വി​ൽ ഓ​രോ വി​ദ്യാ​ല​യ​ത്തി​ലും അ​ധ്യാ​പ​ക​രു​ടെ​യും പി​ടി​എ​യു​ടെ​യും മേ​ൽ​നോ​ട്ട​ത്തി​ലാ​ണ് ഗു​ണ​മേ​ൻ​മ​യോ​ടു കൂ​ടി​യ ഉ​ച്ച​ഭ​ക്ഷ​ണം ത​യാ​റാ​ക്കി വി​ത​ര​ണം ചെ​യ്യു​ന്ന​ത്.

ഭ​ക്ഷ​ണം പാ​ച​കം ചെ​യ്തു ക​ഴി​ഞ്ഞാ​ൽ ദി​വ​സം ഒ​ന്നോ ര​ണ്ടോ ര​ക്ഷി​താ​ക്ക​ൾ സ്കൂ​ളി​ലെ​ത്തി ഭ​ക്ഷ​ണം രു​ചി​ച്ചു നോ​ക്കി​യും കു​ഴ​പ്പ​മി​ല്ലെ​ന്ന് ഉ​റ​പ്പു​വ​രു​ത്തി​യ​തി​നു​ശേ​ഷം മാ​ത്ര​മാ​ണ് കു​ട്ടി​ക​ൾ​ക്ക് ന​ൽ​കു​ന്ന​ത്.

ഇ​തു​സം​ബ​ന്ധി​ച്ച് ര​ജി​സ്റ്റ​റും സൂ​ക്ഷി​ക്കു​ന്നു​ണ്ട്. കൂ​ടാ​തെ വി​ദ്യാ​ഭ്യാ​സ വ​കു​പ്പ് ഉ​ദ്യോ​ഗ​സ്ഥ​രും സ​ന്ദ​ർ​ശ​നം ന​ട​ത്തി ഗു​ണ​മേ​ൻ​മ, ശു​ചി​ത്വം, പാ​ച​കം, വി​ത​ര​ണം എ​ന്നി​വ സം​ബ​ന്ധി​ച്ച് വി​ല​യി​രു​ത്ത​ൽ ന​ട​ത്താ​റു​ണ്ട്.

പാ​ച​കം സ​മൂ​ഹ അ​ടു​ക്ക​ള​യി​ലേ​ക്ക് മാ​റ്റു​ന്പോ​ൾ ഇ​തെ​ല്ലാം പാ​ലി​ക്ക​പ്പെ​ടു​മെ​ന്ന കാ​ര്യ​ത്തി​ൽ ആ​ർ​ക്കും ഒ​രു​റ​പ്പും പ​റ​യാ​നു​മാ​കി​ല്ലെ​ന്ന് സ്കൂ​ൾ പാ​ച​ക​തൊ​ഴി​ലാ​ളി സം​ഘ​ട​ന ക​ണ്ണൂ​ർ ജി​ല്ലാ സെ​ക്ര​ട്ട​റി അ​നി​ത സ​തീ​ശ് പ​റ​ഞ്ഞു.

സ​മൂ​ഹ അ​ടു​ക്ക​ള ക്ര​മേ​ണ വ​ൻ​കി​ട കാ​റ്റ​റിം​ഗ് സ്ഥാ​പ​ന​ങ്ങ​ളു​ടെ കൈ​ക​ളി​ലെ​ത്തി​പ്പെ​ടാ​നു​ള്ള സാ​ധ്യ​ത ത​ള്ളി​ക്ക​ള​യാ​നാ​കി​ല്ലെ​ന്നും ഇ​വ​ർ പ​റ​ഞ്ഞു.

സ​മൂ​ഹ അ​ടു​ക്ക​ള വ​ഴി​യു​ള്ള ഉ​ച്ച​ഭ​ക്ഷ​ണ പ​ദ്ധ​തി ന​ട​പ്പാ​ക്കു​ന്പോ​ൾ തു​ച്ഛ​മാ​യ വേ​ത​ന​മ​ല്ലാ​തെ മ​റ്റൊ​രു ആ​നു​കൂ​ല്യ​വു​മി​ല്ലാ​തെ സ്കൂ​ളു​ക​ളി​ൽ പാ​ച​കം ചെ​യ്ത് ഉ​പ​ജീ​വ​നം ന​ട​ത്തു​ന്ന വ​ലി​യൊ​രു വി​ഭാ​ഗ​ത്തി​ന്‍റെ ഭാ​വി ആ​ശ​ങ്ക​യി​ലാ​ണ്.

സ​ര്‍​ക്കാ​ര്‍ നീ​ക്ക​ത്തി​നെ​തി​രേ എ​ച്ച്എം​എ​സ് ഉ​ൾ​പ്പെ​ടെ​യു​ള്ള ഒ​രു​വി​ഭാ​ഗം യൂ​ണി​യ​നു​ക​ൾ സ​മ​ര​രം​ഗ​ത്തു​ണ്ടെ​ങ്കി​ലും പാ​ച​കം സ​മൂ​ഹ അ​ടു​ക്ക​ള​യി​ൽ മ​തി​യെ​ന്ന നി​ല​പാ​ടി​ലാ​ണ് ചി​ല ഭ​ര​ണാ​നു​കൂ​ല അ​ധ്യാ​പ​ക സം​ഘ​ട​ന​ക​ൾ.

സ്കൂ​ളു​ക​ളി​ലെ പാ​ച​ക​ത്തി​ന്‍റെ ഉ​ത്ത​ര​വാ​ദി​ത്വം ത​ങ്ങ​ളി​ൽ​നി​ന്ന് ഒ​ഴി​വാ​യി​ക്കി​ട്ടു​മെ​ന്ന​തി​നാ​ലാ​ണ് ചി​ല അ​ധ്യാ​പ​ക സം​ഘ​ട​ന​ക​ൾ ഇ​തി​നെ അ​നു​കൂ​ലി​ക്കു​ന്ന​തെ​ന്നും പ​റ​യ​പ്പെ​ടു​ന്നു.