നി​ര​ത്ത് തൊ​ടാ​തെ നശിച്ച് സ്കൂൾ ബസുകൾ; ജീവിതം വിഴിമുട്ടി ജീവനക്കാരും

ആ​മ്പ​ല്ലൂ​ർ: കോ​വി​ഡ് വ്യാ​പ​ന​ത്തെ തു​ട​ർ​ന്ന് വി​ദ്യാ​ല​യ​ങ്ങ​ളി​ലെ അ​ധ്യ​യ​നം ഒ​രു വ​ർ​ഷ​ത്തി​ല​ധി​ക​മാ​യി മു​ട​ങ്ങി​യ​തോ​ടെ നാ​ശ​ത്തി​ന്‍റെ വ​ക്കി​ൽ സ്കൂ​ൾ ബ​സു​ക​ൾ. കോ​വി​ഡ് ലോ​ക്ക് ഡൗ​ൺ വ​ന്ന​തോ​ടെ 2020 മാ​ർ​ച്ച് 10ന് ​വൈ​കു​ന്നേ​രം ഷെ​ഡി​ൽ ക​യ​റ്റി​യി​ട്ട വാ​ഹ​ന​ങ്ങ​ൾ പ​ല​തും ഒ​രു വ​ർ​ഷ​വും നാ​ലു മാ​സ​വും പി​ന്നി​ട്ടി​ട്ടും അ​വി​ടെ​ത്ത​ന്നെ​യാ​ണ്.

ബ​സു​ക​ൾ നി​ശ്ച​ലാ​വ​സ്ഥ​യി​ലാ​യ​തി​നൊ​പ്പം ഒ​രു പ​റ്റം ബ​സ് ജീ​വ​ന​ക്കാ​രു​ടെ ജീ​വി​ത​വും വ​ഴി​മു​ട്ടി​യ അ​വ​സ്ഥ​യി​ലാ​ണ്.

എന്തുചെയ്യണമെന്നറിയില്ല
മാ​നേ​ജ്മെ​ന്‍റ് സ്കൂ​ളാ​യാ​ലും സ​ർ​ക്കാ​ർ സ്കൂ​ളാ​യാ​ലും ബ​സു​ക​ൾ എ​ന്തു ചെ​യ്യ​ണ​മെ​ന്ന​റി​യാ​തെ ആ​ശ​ങ്ക​യി​ലാ​ണ് അ​ധി​കൃ​ത​ർ. എം​എ​ൽ​എ, എം​പി ഫ​ണ്ടു​ക​ൾ ഉ​പ​യോ​ഗി​ച്ച് ല​ഭ്യ​മാ​ക്കി​യ ഗ​വ. സ്കൂ​ളു​ക​ളി​ലെ ബ​സു​ക​ൾ പ്ര​വ​ർ​ത്തി​പ്പി​ച്ചു നോ​ക്കാ​ൻ പോ​ലു​മാ​വാ​ത്ത സ്ഥി​തി​യി​ലാ​ണെ​ന്ന് പ്ര​ധാ​നാ​ധ്യാ​പ​ക​ർ പ​റ​യു​ന്നു.

പി​ടി​എ​യു​ടെ നേ​തൃ​ത്വ​ത്തി​ലാ​ണ് ഗ​വ. സ്കൂ​ളു​ക​ളി​ൽ ബ​സു​ക​ളു​ടെ ദൈ​നം​ദി​ന പ്ര​വ​ർ​ത്ത​ന​ങ്ങ​ൾ ന​ട​ത്തി​യി​രു​ന്ന​തെ​ങ്കി​ലും ഇ​പ്പോ​ൾ അ​തും സാ​ധ്യ​മാ​വു​ന്നി​ല്ല.

ലോ​ക്ക് ഡൗ​ണി​ന്‍റെ ആ​ദ്യ​കാ​ല​ങ്ങ​ളി​ൽ സ്റ്റാ​ർ​ട്ട് ചെ​യ്യു​ക​യും ഓ​ടി​ക്കു​ക​യും ചെ​യ്തി​രു​ന്നെ​ങ്കി​ലും എ​ന്നും ദീ​ർ​ഘ ദൂ​രം ഓ​ടി​യി​രു​ന്ന വാ​ഹ​ന​ങ്ങ​ളു​ടെ പ​രി​പാ​ല​ന​ത്തി​ന് അ​തു മ​തി​യാ​വു​ന്നി​ല്ല. ഏ​താ​ണ്ട് എ​ല്ലാ വാ​ഹ​ന​ങ്ങ​ളു​ടെ​യും ബാ​റ്റ​റി പൂ​ർ​ണ​മാ​യും ന​ശി​ച്ചു. ട​യ​റു​ക​ളു​ടെ അ​വ​സ്ഥ​യും പ​രി​താ​പ​ക​രമാണ്.

വലിയ തുക മുടക്കേണ്ടിവരും
വാ​ഹ​ന​ങ്ങ​ൾ ഓ​ടി​ത്തു​ട​ങ്ങി​യാ​ൽ മാ​ത്ര​മെ ഗു​രു​ത​ര​മാ​യ യ​ന്ത്ര​ത്ത​ക​രാ​റു​ക​ൾ മ​ന​സി​ലാ​ക്കാ​ൻ സാ​ധി​ക്കൂ എ​ന്നാണ് അ റ്റകുറ്റപ്പണികൾ ചെയ്യുന്നവർ പ​റ​യു​ന്നത്.

വാ​ഹ​ന​ങ്ങ​ൾ ഓ​ടാ​ത്ത​തി​നാ​ൽ ഇ​വ​യ്ക്ക് നി​ല​വി​ൽ ടാ​ക്സ്, ഇ​ൻ​ഷു​റ​ൻ​സ് എ​ന്നി​വ അ​ട​യ്ക്കു​ന്നി​ല്ല. കാ​ല​പ്പ​ഴ​ക്കം ഏ​റി​യ വാ​ഹ​ന​ങ്ങ​ളും പു​തി​യ നി​ല​വാ​ര​ത്തി​ലു​ള്ള വാ​ഹ​ന​ങ്ങ​ളും ഒ​രേ ത​ര​ത്തി​ലാ​ണ് ഭീ​ഷ​ണി നേ​രി​ടു​ന്ന​ത്.

നൂ​ത​ന സാ​ങ്കേ​തി​ക വി​ദ്യ​ക​ളു​ള്ള പു​തി​യ വാ​ഹ​ന​ങ്ങ​ൾ പ്ര​വ​ർ​ത്തി​ക്കാ​തി​രി​ക്കു​ന്ന​ത് അ​വ​യു​ടെ സെ​ൻ​സ​ർ സം​വി​ധാ​ന​ങ്ങ​ളെ ബാ​ധി​ക്കു​മ്പോ​ൾ പ​ഴ​യ വാ​ഹ​ന​ങ്ങ​ൾ കൂ​ടു​ത​ൽ നാ​ശോ​ന്മു​ഖ​മാ​യി മാ​റു​ന്ന നി​ല​യി​ലാ​ണ്.

ഭീ​മ​മാ​യ തു​ക ഓ​രോ ബ​സു​ക​ൾ​ക്കും മു​ത​ൽ മു​ട​ക്കാ​തെ വാ​ഹ​ന​ങ്ങ​ൾ ഒ​ന്നും ത​ന്നെ റോ​ഡി​ലി​റ​ക്കി ഓ​ടി​ക്കാ​ൻ ക​ഴി​യാ​ത്ത നി​ല​യി​ലാ​ണ്.

ജീവിതം വിഴിമുട്ടി ജീവനക്കാരും
സ്കൂ​ളു​ക​ൾ​ക്കു വേ​ണ്ടി മാ​ത്രം ഓ​ടു​ന്ന​തി​നാ​യി വാ​ഹ​നം വാ​ങ്ങി​യ പ്രൈ​വ​റ്റ് ഓ​പ്പ​റേ​റ്റ​ർ​മാ​ർ പ​ല​രും കി​ട്ടി​യ വി​ല​ക്ക് വാ​ഹ​നം വി​ൽ​ക്കു​ക​യാ​ണു​ണ്ടാ​യ​ത്. പ​ല സ്കൂ​ളു​ക​ൾ​ക്കു വേ​ണ്ടി സ​മ​യം അ​ഡ്ജ​സ്റ്റ് ചെ​യ്ത് നി​ര​വ​ധി ട്രി​പ്പു​ക​ൾ ഓ​ടി​ക്കൊ​ണ്ടി​രു​ന്ന വാ​ഹ​ന​ങ്ങ​ളാ​ണി​വ. ബ​സ് ജീ​വ​ന​ക്കാ​രാ​യി​രു​ന്ന​വ​രു​ടെ നി​ല​യും വ​ള​രെ പ​രി​താ​പ​ക​രം ത​ന്നെ.

ഡ്രൈ​വ​റും ആ​യ​യും ആ​യി ര​ണ്ട് ജീ​വ​ന​ക്കാ​ർ ഒ​രു സ്കൂ​ൾ ബ​സി​ൽ ഉ​ണ്ടാ​യി​രു​ന്നു. മ​റ്റു ജോ​ലി​ക​ൾ​ക്കൊ​പ്പം സ​മാ​ന്ത​ര​മാ​യി ഈ ​ജോ​ലി ചെ​യ്തി​രു​ന്ന​വ​രും ഇ​തു മാ​ത്രം ഉ​പ​ജീ​വ​ന മാ​ർ​ഗ​മാ​ക്കി​യി​രു​ന്ന​വ​രും ഇ​പ്പോ​ൾ വ​രു​മാ​നം നി​ല​ച്ച അ​വ​സ്ഥ​യി​ലാ​ണ്.