ബത്തേരി ദുരന്തം;തൃ​ശൂ​രി​ലെ സ്കൂ​ളു​ക​ളി​ലും ക​ർ​ശ​ന പ​രി​ശോ​ധ​ന; തൊ​ഴി​ലു​റ​പ്പു പ​ദ്ധ​തി പ്ര​യോ​ജ​ന​പ്പെ​ടു​ത്തും ; സ്കൂ​ളി​ന​ടു​ത്തെ ബ​സ് സ്റ്റോ​പ്പു​ക​ളും വൃ​ത്തി​യാ​ക്കുമെന്ന് കളക്ടർ

സ്വ​ന്തം ലേ​ഖ​ക​ൻ
തൃ​ശൂ​ർ: വ​യ​നാ​ട് ബ​ത്തേ​രി​യി​ൽ അ​ഞ്ചാം ക്ലാ​സ് വി​ദ്യാ​ർ​ഥി​നി ക്ലാ​സ് മു​റി​യി​ൽ പാ​ന്പു ക​ടി​യേ​റ്റ് മ​രി​ച്ച ദാ​രു​ണ സം​ഭ​വ​ത്തി​ന്‍റെ പ​ശ്ചാ​ത്ത​ല​ത്തി​ൽ തൃ​ശൂ​ർ ജി​ല്ല​യി​ലെ സ്കൂ​ളു​ക​ളി​ലും സു​ര​ക്ഷ പ​രി​ശോ​ധ​ന ന​ട​ത്തും. ഇ​തു​മാ​യി ബ​ന്ധ​പ്പെ​ട്ട് വി​ദ്യാ​ഭ്യാ​സ ഡെ​പ്യൂ​ട്ടി ഡ​യ​റ​ക്ട​റ​ട​ക്ക​മു​ള്ള ഉ​ദ്യോ​ഗ​സ്ഥ​രു​ടെ അ​ടി​യ​ന്തി​ര യോ​ഗം ഇ​ന്നു​ച്ചതി​രി​ഞ്ഞ് ജി​ല്ല ക​ള​ക്ട​റു​ടെ അ​ധ്യ​ക്ഷ​ത​യി​ൽ ചേ​രും.

ജി​ല്ല​യി​ലെ സ​ർ​ക്കാ​ർ, എ​യ്ഡ​ഡ്, അ​ണ്‍ എ​യ്ഡ​ഡ് സ്കൂ​ൾ അ​ധി​കൃ​ത​രു​ടേ​യും അ​സോ​സി​യേ​ഷ​ൻ ഭാ​ര​വാ​ഹി​ക​ളു​ടേ​യും യോ​ഗം ര​ണ്ടു ദി​വ​സ​ത്തി​ന​കം ചേ​രും. ജി​ല്ല​യി​ൽ കാ​ടും​പ​ട​ല​വും പി​ടി​ച്ചു​കി​ട​ക്കു​ന്ന സ്കൂ​ളു​ക​ൾ ഉ​ണ്ടോ എ​ന്ന് പ​രി​ശോ​ധി​ക്കും. ത​ങ്ങ​ളു​ടെ സ്കൂ​ൾ പ​രി​സ​രം വൃ​ത്തി​യാ​ണെ​ന്നും കാ​ടും​പ​ട​ല​വും പി​ടി​ച്ചു കി​ട​ക്കു​ന്നി​ല്ലെ​ന്നും കു​ട്ടി​ക​ളു​ടെ സു​ര​ക്ഷ​യ്ക്ക് ദോ​ഷ​മാ​കു​ന്ന സാ​ഹ​ച​ര്യ​മി​ല്ലെ​ന്നു​മു​ള്ള റി​പ്പോ​ർ​ട്ട് എ​ല്ലാ സ്കൂ​ൾ അ​ധി​കൃ​ത​രി​ൽ നി​ന്നും ജി​ല്ല ഭ​ര​ണ​കൂ​ടം ആ​വ​ശ്യ​പ്പെ​ടും.

കാ​ടും പ​ട​ല​വും പി​ടി​ച്ചു കി​ട​ക്കു​ന്ന സ്കൂ​ളു​ക​ൾ വ​യ​നാ​ട് പോ​ലു​ള്ള ജി​ല്ല​ക​ളെ അ​പേ​ക്ഷി​ച്ച് തൃ​ശൂ​രി​ൽ കു​റ​വാ​ണെ​ങ്കി​ലും ചി​ല ഭാ​ഗ​ങ്ങ​ളി​ൽ നി​ന്ന് ഇ​ത്ത​രം സു​ര​ക്ഷ പ്ര​ശ്ന​ങ്ങ​ളു​ള്ള സ്കൂ​ളു​ക​ളെ​ക്കു​റി​ച്ച് റി​പ്പോ​ർ​ട്ട് കി​ട്ടി​യി​ട്ടു​ണ്ടെ​ന്നും അ​തി​നാ​ൽ അ​ടി​യ​ന്തി​ര ന​ട​പ​ടി കൈ​ക്കൊ​ള്ളു​ക​യാ​ണെ​ന്നും തൃ​ശൂ​ർ ജി​ല്ല ക​ള​ക്ട​ർ എ​സ്.​ഷാ​ന​വാ​സ് രാഷ്‌ട്ര​ദീ​പി​ക​യോ​ടു പ​റ​ഞ്ഞു.

തൊ​ഴി​ലു​റ​പ്പു പ​ദ്ധ​തി സ്കൂ​ൾ പ​രി​സ​ര​ങ്ങ​ൾ വൃ​ത്തി​യാ​ക്കാ​ൻ എ​ങ്ങി​നെ പ്ര​യോ​ജ​ന​പ്പെ​ടു​ത്താ​മെ​ന്ന കാ​ര്യ​വും അ​തി​ന്‍റെ പ​രി​മി​തി​ക​ൾ എ​ങ്ങി​നെ മ​റി​ക​ട​ക്കാ​മെ​ന്ന​തും പ​രി​ശോ​ധി​ക്കു​മെ​ന്നും ക​ള​ക്ട​ർ പ​റ​ഞ്ഞു. സ്കൂ​ളു​ക​ളും പ​രി​സ​ര​ങ്ങ​ളും ക്ലാ​സ് മു​റി​ക​ളും വൃ​ത്തി​യാ​യും സു​ര​ക്ഷി​ത​മാ​യും സൂ​ക്ഷി​ക്കു​ന്ന​തി​ൽ യാ​തൊ​രു വി​ട്ടു​വീ​ഴ്ച​യു​മു​ണ്ടാ​വി​ല്ലെ​ന്നും ക​ള​ക്ട​ർ വ്യ​ക്ത​മാ​ക്കി.

സ്കൂ​ൾ പ​രി​സ​ര​ങ്ങ​ൾ മാ​ത്ര​മ​ല്ല സ്കൂ​ളു​ക​ളു​ടെ സ​മീ​പ​ത്തു​ള്ള പ​ല ബ​സ് സ്റ്റോ​പ്പു​ക​ളു​ടെ പി​ൻ​ഭാ​ഗ​ങ്ങ​ളും പ​രി​സ​ര​വും പൊ​ന്ത​ക്കാ​ടു​ക​ൾ നി​റ​ഞ്ഞ നി​ല​യി​ലാ​ണെ​ന്ന് ക​ണ്ടെ​ത്തി​യി​ട്ടു​ണ്ടെ​ന്നും ഇ​വ വൃ​ത്തി​യാ​ക്കാ​നും ന​ട​പ​ടി​യെ​ടു​ക്കു​മെ​ന്ന് ക​ള​ക്ട​ർ പ​റ​ഞ്ഞു.