മലപ്പുറം: ദുരന്തം വിതച്ച മുണ്ടക്കൈ ചൂരൽമല സ്കൂളിലെ കൊച്ചു കൂട്ടുകാരുടെ കണ്ണീർ കഥ വാർത്തയിൽ നിറഞ്ഞു നിൽക്കുമ്പോൾ സങ്കടം സഹിക്കാൻ കഴിയാതെ കരയുകയാണ് മലപ്പുറം കൂമണ്ണ ജിഎംഎൽപി സ്കൂളിലെ ഒന്നാം ക്ലാസ് വിദ്യാർഥിനി ഋഷിഖ.
‘ടീച്ചർ വയനാട് ജോലി ചെയ്തതല്ലേ? എനിക്ക് അച്ഛൻ തന്ന എല്ലാ പണവും നമുക്ക് അവിടുത്തെ കൂട്ടുകാർക്ക് പോയി കൊടുക്കാം’ എന്ന വാക്കാണ് എന്നെ വല്ലാതെ സങ്കടപെടുത്തിയത് എന്ന് ഋഷിഖയുടെ ടീച്ചർ പറഞ്ഞു.
വിഷമിക്കേണ്ട, നീ ഡയറി രൂപത്തിൽ എല്ലാം എഴുത് എന്ന് ടീച്ചര്‍ പറഞ്ഞപ്പോഴാണ് ഋഷിഖ ഡയറി എഴുതാന്‍ തീരുമാനിച്ചത്.
സൈന്യവും,രക്ഷാപ്രവർത്തകരും വെള്ളത്തിൽ ഇറങ്ങുന്നത് കണ്ട് അവർക്ക് എന്തെങ്കിലും ദുരിതം വരുമോ എന്ന ആശങ്കയും ഋഷിഖ ഡയറിയിൽ കുറിച്ചു.
ചൂരൽ മല അധ്യാപകർ കരയുന്ന കാഴ്ച്ച കണ്ട് എന്‍റെ ടീച്ചറെ കാണണം, എനിക്ക് സ്കൂളിൽ പോവണം എന്ന് പറഞ്ഞ് വീഡിയോ കോള്‍ ചെയ്തത് കേട്ട് ടീച്ചറും കരഞ്ഞു.
