ആളുകൾ പ്രശസ്തരാകനായി സാഹസങ്ങൾ ചെയ്ത് അവ ഇന്‍റർനെറ്റിൽ അപ്‌ലോഡ് ചെയ്യുന്നു. ഇത്തരത്തിൽ ഓരോ ദിവസവും നിരവധി വീഡിയോകളാണ് സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്.
ഇവയിൽ ചിലത് കണ്ടുകഴിഞ്ഞാൽ എന്തിനാണ് ഇത്തരം വീഡിയോകൾ ചിത്രീകരിക്കുന്നതെന്ന് പോലും ആളുകൾക്ക് മനസിലാക്കാൻ കഴിയില്ല. അത്തരത്തിലൊരു വീഡിയോ ഇപ്പോൾ ഇന്‍റർനെറ്റിൽ ശ്രദ്ധ നേടുകയാണ്.
ആൺകുട്ടികൾ വിചിത്രമായ സ്റ്റണ്ട് ചെയ്യുന്നത് പലപ്പോഴും സോഷ്യൽ മീഡിയയിൽ കാണാറുള്ളതാണ്. എന്നാൽ വൈറലായിക്കൊണ്ടിരിക്കുന്ന ഈ വീഡിയോയിൽ രണ്ട് പെൺകുട്ടികൾ ഒരുമിച്ച് റോഡിൽ സ്റ്റണ്ട് ചെയ്യുന്നതാണ് കാണിക്കുന്നത്. സ്കൂൾ യൂണിഫോമാണ് വിദ്യാർഥിനികൾ ധരിച്ചിരിക്കുന്നത്.
ഒരു പെൺകുട്ടി നിൽക്കുകയും മറ്റേയാൾ അവളുടെ തോളിൽ കയറുകയും തുടർന്ന് ബാക്ക്ഫ്ലിപ്പ് ചെയ്യുകയും ചെയ്യുന്നു. ഇത് കൊള്ളാമെന്ന് ആദ്യം തോന്നുമോങ്കിലും പിന്നീട് പെൺകുട്ടി നേരെ റോഡിലേക്ക് വീഴുന്നതാണ് കാണിക്കുന്നത്. വീണ്ടും എഴുന്നേറ്റു നിൽക്കാൻ പോലും പറ്റാത്ത വിധം അവൾക്ക് മുറിവേൽക്കുന്നു.
ഇത്തരം സ്റ്റണ്ടുകൾ ചെയ്യുന്നതുമായി ബന്ധപ്പെട്ട അപകടങ്ങൾ ഓർമ്മിപ്പിക്കുകയാണ് വീഡിയോ. വീഡിയോ കണ്ട ചിലർ തങ്ങളുടെ ആശങ്ക പ്രകടിപ്പിച്ചു, മറ്റുള്ളവർ ഇത് മണ്ടത്തരമാണെന്നും പറയുന്നു.
അരക്കെട്ട് ഒടിഞ്ഞു എന്ന അടിക്കുറിപ്പോടെയാണ് വീഡിയോ ഇൻസ്റ്റഗ്രാമിൽ പങ്കുവെച്ചിരിക്കുന്നത്. ഫെബ്രുവരിയിൽ ഷെയർ ചെയ്ത വീഡിയോ വീണ്ടും സോഷ്യൽ മീഡിയ പ്ലാറ്റ്‌ഫോമിൽ ശ്രദ്ധ നേടുകയാണ്.
17 ലക്ഷത്തിലധികം വ്യൂസാണ് വീഡിയോയ്ക്ക് ലഭിച്ചിരിക്കുന്നത്. പോസ്റ്റിലെ കമൻ്റുകൾ പെൺകുട്ടികളോടുള്ള ആശങ്ക പ്രകടിപ്പിക്കുന്നു. ചിലർ അത്തരം പ്രവർത്തനങ്ങളുടെ അനന്തരഫലങ്ങൾ എടുത്തുകാണിക്കുന്നു.
“ദയവായി ഇത് റോഡിൽ ചെയ്യാതിരിക്കാൻ ശ്രദ്ധിക്കുക’, ‘ഇതുപോലുള്ള ഒരു സ്ഥലത്ത് ഇത് ചെയ്യരുതെന്ന് പഠിക്കാൻ അവർ ഇത് മറ്റ് പെൺകുട്ടികൾക്കായി പങ്കിടുന്നത് നല്ലതാണ്. “ഇത് പരീക്ഷിക്കരുത്, റോഡ് സുരക്ഷിതമല്ല’ തുടങ്ങിയ കമന്‍റുകളാണ് വീഡിയോയ്ക്ക് ലഭിച്ചത്.
