സ്കൂളുകളിൽ നിന്ന് വിദ്യാർഥികളെ നവകേരള സദസിൽ പങ്കെടുപ്പിക്കാൻ കർശന നിർദേശം നൽകി വിദ്യാഭ്യാസ വകുപ്പ്. കുറഞ്ഞത് 200 കുട്ടികളെ ഒരു സ്കൂളിൽ നിന്നും എത്തിക്കണമെന്നാണ് നിർദേശം.
സ്കൂളുകൾക്ക് അവധി നൽകാനും നിർദേശമുണ്ട്. മലപ്പുറം തിരൂരങ്ങാടി ഡി.ഇ.ഒ വിളിച്ച പ്രധാനധ്യാപകരുടെ യോഗത്തിലാണ് നിർദേശം നൽകിയത്.
കണ്ണൂർ ജില്ലയിലെ മണ്ഡലങ്ങളിൽ നവകേരള സദസ്സിന്‍റെ നാലാം ദിനമായ ഇന്ന് പര്യടനം തുടരും. തലശേരിയിൽ ഇന്ന് ചേരുന്ന മന്ത്രിസഭാ യോഗത്തിലാണ് പരിപാടികൾ ആരംഭിക്കുക.
ഇന്നത്തെ ആദ്യ പരിപാടി രാവിലെ കൂത്തുപറമ്പ് മണ്ഡലത്തിലാണ്. തുടർന്ന് മട്ടന്നൂർ, പേരാവൂർ മണ്ഡലങ്ങളിൽ പര്യടനം നടത്തിയ ശേഷം നവകേരള സദസ് കണ്ണൂർ ജില്ലയിൽ നിന്നും വയനാട് ജില്ലയിലേക്ക് പ്രവേശിക്കും.
