ന്യൂയോർക്ക്: യുഎസിലെ ന്യൂയോർക്കിൽ സ്കൂൾ ബസ് അപകടത്തിൽപ്പെട്ട് രണ്ടു പേർ മരിക്കുകയും അഞ്ചു പേർക്കു ഗുരുതരമായി പരിക്കേൽക്കുകയും ചെയ്തു.
ബസിന്‍റെ മുൻവശത്തെ ടയർ പൊട്ടിയാണ് അപകടമുണ്ടായത്. ലോംഗ് ഐലൻഡിൽനിന്നു വിദ്യാർഥികളെ സംഗീത ക്യാമ്പിലേക്ക് കൊണ്ടുപോകുകയായിരുന്ന ബസാണ് അപകടത്തിൽപ്പെട്ടത്.
ടയർ പൊട്ടിയതോടെ നിയന്ത്രണം നഷ്ടപ്പെട്ട ബസ് വാവായണ്ട നഗരത്തിനു സമീപമുള്ള 50 അടി താഴ്ചയുള്ള മലയിടുക്കിലേക്കു വീഴുകയായിരുന്നു.
44 പേരാണ് ബസിലുണ്ടായിരുന്നത്. സംഭവത്തിൽ അന്വേഷണം പുരോഗമിക്കുകയാണെന്ന് പോലീസ്.
