കൊച്ചി: ഇന്നലെ എറണാകുളത്ത് സമാപിച്ച സംസ്ഥാന സ്‌കൂള്‍ കായികമേളയില്‍ ജി.വി. രാജ സ്‌പോര്‍ട്‌സ് സ്‌കൂളിന് രണ്ടാം സ്ഥാനം നല്‍കിയതിനെതിരേ സ്‌കൂളുകള്‍ ഹൈക്കോടതിയിലേക്ക്.
നവാമുകുന്ദ, കോതമംഗലം മാര്‍ ബേസില്‍ സ്‌കൂളുകളാണ് കോടതിയെ സമീപിക്കുക. പോയിന്‍റ് പട്ടികയില്‍ നവാമുകുന്ദ രണ്ടും മാര്‍ ബേസില്‍ മൂന്നും സ്ഥാനത്തായിരുന്നു. എന്നാല്‍ രണ്ടാം സ്ഥാനക്കാര്‍ക്കുള്ള ട്രോഫി സ്‌പോര്‍ട്‌സ് സ്‌കൂള്‍ ആയ ജി.വി. രാജയ്ക്ക് നല്‍കി.
തുടര്‍ന്നാണ് സംഭവത്തില്‍ ഹൈക്കോടതിയെ സമീപിക്കാന്‍ നാവാമുകുന്ദ, മാര്‍ ബേസില്‍ സ്‌കൂളുകള്‍ കോടതിയെ സമീപിക്കുന്നത്. അര്‍ഹിച്ച അംഗീകാരം തട്ടിയെടുത്തുവെന്നാണ് സ്‌കൂളുകളുടെ ആരോപണം.
