തെരുവ് നായയെ വെള്ളം കുടിക്കാന്‍ സഹായിക്കുന്ന പ്രായം ചെന്നയാളെ അഭിനന്ദിച്ച് സോഷ്യല്‍മീഡിയ. വളരെയധികം മനോഹരമായ ഈ ദൃശ്യങ്ങള്‍ പകര്‍ത്തിയത് എവിടെ നിന്നുമാണെന്ന് വ്യക്തമല്ല.
ഐഎഫ്എസ് ഉദ്യോഗസ്ഥനായ സുശാന്ത് നന്ദയാണ് ഈ വീഡിയോ ട്വിറ്ററിലൂടെ പുറത്തുവിട്ടത്.
പെപ്പില്‍ നിന്നും വെള്ളം കൈക്കുമ്പിളിലാക്കി നടന്ന് വന്നാണ് ഇദ്ദേഹം നായയ്ക്ക് നല്‍കിയത്. നായ അത് അനുസരണയോടെ നക്കി കുടിക്കുകയും ചെയ്തു.
ഒന്നിലധികം പ്രാവശ്യം അദ്ദേഹം വെള്ളം നായയ്ക്ക് നല്‍കി. വീഡിയോ വൈറലായതിനെ തുടര്‍ന്ന് ഇദ്ദേഹത്തെ അഭിനന്ദിച്ച് നിരവധിയാളുകളാണ് രംഗത്തെത്തുന്നത്.
